JOSUÉ 24:28 - Dios Rimashcata Quillcashcami

²⁸ Chai quipaca tucui israelcunatami cada paicunapac llactacunaman cacharca.

JOSUÉ 24:28 ပူးပေါင်းရင်းမြစ်များ

NEHEMÍAS 11:20

Caishuc israelcuna, curacuna, levitacunaca Judá llacta tucui pueblocunapimi quiquin allpacunallapitac causarca.

NÚMEROS 36:7

Israelcunaca, paicunapac allpataca quiquin aillupurapi charichunlla. Caishuc aillupac allpataca caishuc aillucunamanca ama cuchun. Chashna ruhuacpimi, chai allpaca mana maqui maqui pasanga.

NÚMEROS 36:9

Shina ruhuashpami israelcunaca paicuna japishca allpataca shuc ailluman, chaishuc ailluman maqui maqui mana pasachinga. Tucui israelcunami paicuna japishca allpataca cuidashpa charinga” nishpami mandarca— nirca.

JOSUÉ 22:6

Chai quipaca Josué paicunata bendiciashpa cayacaman nicpica, paicuna causana carpa huasicunaman cutircacunallami.

JOSUÉ 24:27

Chai quipaca tucui israelcunatami Josueca: —Riquichic, ñucanchic mana allita ruhuashcataca cai rumimi ricuchinga. Cai rumimi Mandac Dios ñucanchicta tucui mandashcataca uyarca. Mandac Diosta cungarishpa ama saquinguichicchu. Cai rumica cancunata llaquichina cashcata ricuchicmi— nirca.

JOSUÉ 24:29

Chashna tucushca quipaca Mandac Diosta servic Nunpac churi Josueca huañurcami. Paica patsac chunga huatayuc cashpami huañurca.

JUECES 2:6

Josué caya minchacaman nishpa raquiricpica, israelcunapish tucuimi japina cashca allpata japingapac rirca.