JOSUÉ 24:25 - Dios Rimashcata Quillcashcami

²⁵ Shina nicpica, Josueca chai punzhallatami israelcunahuan pactachingapac shuc ari ninacuita ruhuarca. Shinallatac mandashcacunata pactachichun cushca rimashcacunatapish Siquem pueblopi curca.

JOSUÉ 24:25 ပူးပေါင်းရင်းမြစ်များ

GÉNESIS 35:4

Shina nicpimi, paicuna charishca chican dioscunatapish, ringripi churashca zarcillocunatapish Jacoboman curca. Chashna cucpimi, Jacoboca Siquem llacta ladopi tiyac encina yura ucupi pacarca.

2 REYES 11:17

Chai quipaca Joiada curami jatun mandactapish, gentecunatapish Mandac Diosman imata ruhuashpa pactachichun, Mandac Diospaclla causachun ari nichirca. Shinallatac jatun mandactapish, chai gentecunatapish ari nichircami.

2 CRÓNICAS 15:12

Shina ruhuashpami, shuc yuyailla tucushpa paicunapac ñaupa taitacunata Mandac Diosta tucui almahuan, tucui shunguhuan mashcangapac ari nircacuna.

2 CRÓNICAS 15:15

Chashna tucui shunguhuan, tucui munaihuan ari nishpa Diosta mashcashcamantami Judá llactapi causaccunaca cushicurca. Tucui paicuna mashcashcamantaca Mandac Diosca chasquircami. Paicunapac tucui llactacunapica sumac causaimi tiyarca.

2 CRÓNICAS 23:16

Chai quipami Joiada curaca paipish, tucui gentecunapish, jatun mandacpish Diospaclla tucungapac ari nircacuna.

2 CRÓNICAS 29:10

Cunanca, Mandac Dios israelcunahuan yallita piñarishcamanta alli tucuchunmi paihuan ari ninacungapac yuyarircani.

NEHEMÍAS 9:38

Tucui cai llaquicunamantami, ñucanchicca pactachingapac ari nishpa quillcanchic. Chai quillcapica ñucanchic mandaccuna, levitacuna, curacunami firmancuna.

ÉXODO 15:25

Chaimantami Moisesca Mandac Diosta caparishpa mañarca. Shina mañacpica, Mandac Diosca shuc yuratami ricuchirca. Moisés chai yurata yacupi shitacpica, yacuca mishquiyarcami. Chaipimi Mandac Diosca pai mandashcacunatapish, quillcashcacunatapish curca. Shinallatac cazucta, mana cazuctapish ricurcami.

ÉXODO 24:3

Moisés cutishpaca, Mandac Dios nishcacunatapish, tucui mandashcacunatapishmi israelcunaman huillarca. Shina huillacpimi, israelcuna shuc shinalla tucushpaca: —Mandac Dios tucui imata nishcacunataca pactachishunllami— nirca.

DEUTERONOMIO 29:1

Mandac Diosca Horeb urcupimi israelcunahuan ari ninacurca. Chaipi ari nishca jahuami Mandac Diosca Moab llactapipish israelcunahuan ari ninacuchun Moisesta mandarca.

JOSUÉ 24:1

Josueca tucui Israel aillucunata Siquem pueblopi tandachishpami, israelcunata pushac yuyaccunata, juezcunata, quipa mandaccunatapish Diospac ñaupapi tandachirca.

JOSUÉ 24:26

Josueca cai rimashcacunatami Dios mandashcata quillcana libropi quillcarca. Chai quipaca jatun rumita japishpami, Mandac Diospac carpa ladopi tiyac encina yura ucupi shayachirca.