JOSUÉ 24:19 - Dios Rimashcata Quillcashcami

¹⁹ Shina nicpimi, Josueca israelcunataca: —Cancunaca Mandac Diosta mana servi pudinguichicchu. Paica jucha illac Diosmi, paipaclla causachun munac Diosmi. Cancuna paita mana cazushpa causacucta, cancuna juchata ruhuashpa causacuctaca mana ricucungallachu.

JOSUÉ 24:19 ပူးပေါင်းရင်းမြစ်များ

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

SALMOS 99:3

Manchana paipac jatun shutitaca alabaichicyari. ¡Paica jucha illacmi!

SALMOS 99:5

¡Ñucanchicta Mandac Diostaca jatunyachichicyari! Pai jucha illac cashcamantaca paipac chaqui ñaupapi cumurichicyari.

SALMOS 99:9

¡Ñucanchicta Mandac Diostaca jatunyachichicyari! Ñucanchicta Mandac Dios jucha illac cashcamantaca paipaclla urcu ñaupapi cumurichicyari.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 23:21

Paita cazushpa, pai nishcata uyangui. Can mana cazucpica, paica mana perdonangachu. Ñucallatacmi paihuanca cani.

ÉXODO 34:14

Ama shuctac dioscunata adoranguichu. Mandac Dios ñucaca ñucapaclla cachunmi munani. Ñucaca, ñucapaclla cachun munac Diosmi cani.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

ISAÍAS 2:9

Paicunaca chaicunata adorashpami, yangalla tucurcacuna. Chai juchataca ama perdonanguichu.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ISAÍAS 30:11

Alli ñanmanta, alli yachaimanta anchurichic. Israelcunapac jucha illac Diosmanta ama ashtahuan ñucanchic ñaupapi rimaichicchu” nincunami» ninmi.

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 11:44

Ñucaca cancunata Mandac, jucha illac Diosmi cani. Chaimanta cancunapish jucha illac caichic. Pambata aisarishpa puric animalcunata micushpa ama mapayanguichicchu.

LEVÍTICO 11:45

Ñucaca cancunata Mandac Diosmi cani. Cancunapac Dios cangapacmi Egipto llactamanta huichai llucchimurcani. Chaimantami cancunapish jucha illac cana canguichic” ningui.

LEVÍTICO 19:2

«Tandanacushca israelcunataca: “Ñuca cancunata Mandac, jucha illac Diosmi cani. Chaimanta cancunapish jucha illac caichic.

LEVÍTICO 20:26

Ñucaca cancunata Mandac jucha illac Diosmi cani. Chaimanta cancunapish, jucha illac caichic. Cancunataca ñucapaclla cachunmi shuctac llacta gentecunamanta chicanyachircani.

LEVÍTICO 20:7

Ñucaca cancunata Mandac jucha illac Diosmi cani. Chaimanta cancunapish ñucapaclla tucushpa, jucha illac caichic.

NAHÚM 1:2

¡Mandac Diosca, paipaclla cachun munacmi! Ima shina paita llaquichishca shinallatac llaquichicmi. Paita mana ricunayachiccunata llaquichicmi, paita piñaccunata piñacmi.

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

JOSUÉ 24:18

Mandac Diosmi ñucanchic ñaupamanta mai llactapi causaccunatapish, chai llactapi causac amorreocunatapish llucchishpa cacharca. Chaimanta ñucanchicpish, Mandac Diostami servishun, paica ñucanchic Diosmi— nircacuna.

JOSUÉ 24:23

Shina nicpimi Josueca: —Shina cashpaca cunanca, cancunapac chaupimanta shuctac dioscunata anchuchishpa, israelcunata Mandac Diosllata tucui shunguhuan manchashpa causaichic— nirca.

RUT 1:15

Chaimantami Noemica: —Riqui, cambac cuñadaca ñami paipac puebloman paipac dioscunapacman cutin. Canpish paita catishpa cutilla— nirca.

1 SAMUEL 3:14

Chaimantami Elipac huasi ucupuracuna mana allita ruhuashcataca animalta ñucaman cushpa rupachicpipish, ofrendata cucpipish, manatac perdonashachu nishpa ari nircani— nirca.

1 SAMUEL 6:20

Chaimantami Bet-semes pueblopi causaccunaca: «¿Pitac cai jucha illac Diospac ñaupapi shayari pudingayari? ¿Ñucanchic ladomantaca maimantac cachashunyari?» nirca.