JOSUÉ 24:18 - Dios Rimashcata Quillcashcami

¹⁸ Mandac Diosmi ñucanchic ñaupamanta mai llactapi causaccunatapish, chai llactapi causac amorreocunatapish llucchishpa cacharca. Chaimanta ñucanchicpish, Mandac Diostami servishun, paica ñucanchic Diosmi— nircacuna.

JOSUÉ 24:18 ပူးပေါင်းရင်းမြစ်များ

SALMOS 116:16

Mandac Dioslla, ñuca mañashcata uyaiyari. Ñucaca canta servicmi cani. Canta servic huarmipac huahua, canta servicmi cani. Canmi huatashcamanta cacharichircangui.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

HECHOS 7:45

Ñaupa taitacunami chai huasitaca paicunapac ñaupa taitacunamanta japishca carca. Tauca huata quipami, Josué paicunata pushamucpi, chai shitashca pambamantaca cai cunan ñucanchic causacuc llactaman apamurca. Ñucanchic taitacuna cusha nishca llactapi causachunmi, Diosca chai mana israelcunataca llucchishpa cacharca. Chai huasitaca David mandac tucungacamanmi charircacuna.

DEUTERONOMIO 10:21

Cancuna alli nina Diosmi. Paica cancunamantami jatun mancharinacunata ruhuarca. Chaitaca cancunapac ñahuihuanmi ricurcanguichic. Paica cancunapac Diosmi.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

JOSUÉ 23:9

Mandac Diosmi mai jatun sinchi llactacunatapish cancunapac ñaupamanta llucchishpa cacharca. Cunan punzhacamanca cancunahuanca maijan llactapish mana macanacui pudishcachu.

JOSUÉ 24:17

Ñucanchicta Mandac Diosmi ñucanchictapish, ñucanchic taitacunatapish Egipto llactapi huatashca shina servishpa causacucpi llucchimurca. Chashnami jatun ricuchinacunata ñucanchic ricuipi ruhuashpa llucchimurca. Paimi ñucanchictaca tucui ñancunata tucui llactacunapac chaupita pasacpipish cuidarca.

JOSUÉ 24:19

Shina nicpimi, Josueca israelcunataca: —Cancunaca Mandac Diosta mana servi pudinguichicchu. Paica jucha illac Diosmi, paipaclla causachun munac Diosmi. Cancuna paita mana cazushpa causacucta, cancuna juchata ruhuashpa causacuctaca mana ricucungallachu.