JOSUÉ 22:34 - Dios Rimashcata Quillcashcami

³⁴ Rubenpac, Gadpac churicunaca cai altartaca: «Caimi ñucanchicpurapica Mandac Dios cashcata ricuchicca» nishpami Ed nishpa shutichirca.

JOSUÉ 22:34 ပူးပေါင်းရင်းမြစ်များ

GÉNESIS 31:47

Chai rumi montontaca «Labanca Jegar Sahadutatami» shutichirca. Cutin Jacoboca «Galaadtami» shutichirca.

GÉNESIS 31:48

Shinallatac Labanca: —Cai rumi montonmi ñucanchic ishcai alli tucushcataca huillacun— nirca. Chaimantami chaitaca “Galaadta” shutichirca.

1 REYES 18:39

Chaita tucui gentecuna ricushpa, allpacaman cumurishpaca: «¡Mandac Diosca, Diostacmi! ¡Mandac Diosca Diostacmi!» nircacuna.

ISAÍAS 19:19

Chai punzhapica Mandac Diospac shuc altarmi Egipto llacta chaupipica tiyanga. Egipto llacta lindero ladopica Mandac Diosta yuyachic shuc rumimi tiyanga.

ISAÍAS 43:10

Cancunami ima tucushcata huillaccuna canguichic. Ñucata servic, ñuca acllashcacunami canguichic. Chaica, cancuna ñucata ricsishpa crichun, ñuca pi cashcata yachachunmi acllarcani. Ñucapac puntaca pi dios mana tiyarcachu, quipapish mana tiyangachu.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

JOSUÉ 22:27

ashtahuanpish ñucanchicpish, Mandac Diospac ñaupapi servic cashcata, animalta cushpa tucui rupachic cashcata, ofrendata cuc cashcata, Dios-huan alli tucungapac ofrendata cuc cashcata ñucanchicpac, cancunapac quipa huiñai churicunaman shuc ricuchina cachunmi ruhuanchic. Shina ruhuacpimi, quipa punzhacunaca cancunapac churicunaca ñucanchic churicunataca: ‘Cancunaca Mandac Diosmantaca ima japinatapish mana charinguichicchu’ nishpaca mana rimanga” nircanchic.

JOSUÉ 24:27

Chai quipaca tucui israelcunatami Josueca: —Riquichic, ñucanchic mana allita ruhuashcataca cai rumimi ricuchinga. Cai rumimi Mandac Dios ñucanchicta tucui mandashcataca uyarca. Mandac Diosta cungarishpa ama saquinguichicchu. Cai rumica cancunata llaquichina cashcata ricuchicmi— nirca.