JOSUÉ 22:28 - Dios Rimashcata Quillcashcami

²⁸ Ñucanchicca: “Ñucanchicta cashpa, mana cashpaca ñucanchic churicunata cashpa shamui punzhacunapi chashna cacpica: ‘Riquichic, ñucanchic taitacunaca Mandac Diospac altarta shinallatacmi ruhuashca. Cai altarca mana Diosman animalta cushpa tucui rupachingapacchu, mana animalta cungapacchu, ashtahuanpish ñucanchicpish, cancuna shinallatac cashcata ricuchingapacmi cai altarta ruhuarcanchic’ nirca.

JOSUÉ 22:28 ပူးပေါင်းရင်းမြစ်များ

GÉNESIS 31:48

Shinallatac Labanca: —Cai rumi montonmi ñucanchic ishcai alli tucushcataca huillacun— nirca. Chaimantami chaitaca “Galaadta” shutichirca.

2 REYES 16:10

Chai quipami jatun mandac Acazca Asiria llactata jatun mandac Tiglat-pileserta Damasco pueblopi tupangapac rirca. Chaiman chayashpami, jatun mandac Acazca Damascopi tiyac altarta ricushpa, chai altar mashna medishcata ima shina cacta dibujashpa, Urías curaman cuchun cacharca.

ÉXODO 25:40

Tucui caicunataca urcupi ricuchishca shinallatac ruhuangui.

ISAÍAS 19:19

Chai punzhapica Mandac Diospac shuc altarmi Egipto llacta chaupipica tiyanga. Egipto llacta lindero ladopica Mandac Diosta yuyachic shuc rumimi tiyanga.

HEBREOS 8:5

Dios-huan tupana huasita Moisés ruhuagricucpimi, Dios rimashpaca: “Riqui, urcupi ricuchishca shina, chai huasita ruhuangui” nirca. Chaimantami cai pachapi cac curacuna servishpaca, jahua pachapi tiyashcata ricuchic llandu shinallatac ruhuacuncuna.

JOSUÉ 22:27

ashtahuanpish ñucanchicpish, Mandac Diospac ñaupapi servic cashcata, animalta cushpa tucui rupachic cashcata, ofrendata cuc cashcata, Dios-huan alli tucungapac ofrendata cuc cashcata ñucanchicpac, cancunapac quipa huiñai churicunaman shuc ricuchina cachunmi ruhuanchic. Shina ruhuacpimi, quipa punzhacunaca cancunapac churicunaca ñucanchic churicunataca: ‘Cancunaca Mandac Diosmantaca ima japinatapish mana charinguichicchu’ nishpaca mana rimanga” nircanchic.

JOSUÉ 22:29

Mana Mandac Diosta piñachingapacchu, mana Mandac Diosta catinata saquingapacchu, cai altartaca ruhuashcanchic. Caitaca mana Diosman animalta cushpa tucui rupachingapacchu, mana grano ofrendata cungapacchu, Dios-huan alli tucungapac mana cungapacchu ruhuashcanchic. Caica mana Dios-huan tupana huasi ñaupapi tiyac cancunata Mandac Diospac altar tiyashca jahua ruhuashcachu” nirca.

JOSUÉ 24:27

Chai quipaca tucui israelcunatami Josueca: —Riquichic, ñucanchic mana allita ruhuashcataca cai rumimi ricuchinga. Cai rumimi Mandac Dios ñucanchicta tucui mandashcataca uyarca. Mandac Diosta cungarishpa ama saquinguichicchu. Cai rumica cancunata llaquichina cashcata ricuchicmi— nirca.