JOSUÉ 22:25 - Dios Rimashcata Quillcashcami

²⁵ Rubenpac, Gadpac churicunalla, ñucanchic-huan cancunahuan linderoca Jordán yacutami Mandac Diosca churashca. Chaimanta Mandac Diosmantaca ima japinata mana charinguichicchu ningami” yuyashpami, cai altartaca ruhuashcanchic. Chashna cancunapac churicuna nishpaca, ñucanchic churicunata Mandac Diosta mañashpa causanatami cungachinga— nirca.

JOSUÉ 22:25 ပူးပေါင်းရင်းမြစ်များ

2 SAMUEL 20:1

Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

1 REYES 12:16

Tucui israelcunaca paicuna mañashcata jatun mandac mana uyasha nicpica: «Davidmantaca, ¿imatatac ñucanchicca charinchic? ¿Israelpac churimantaca, ima japinatatac charinchic? ¡Israelcuna cancunapac, carpa huasicunaman richiclla! ¡David cunanca, cambac huasi ucupurata ricuilla!» nirca. Shina nishpami, israelcunaca paicunapac carpa huasicunaman rircacuna.

1 REYES 14:16

Jeroboam juchata ruhuashpami, israelcunatapish juchapi urmachishca. Chaimantami Diosca Jeroboam juchata ruhuashcamantaca israelcunataca shucpac maquipi churanga» nirca.

1 REYES 15:30

Jeroboamca juchacunata ruhuashpami israelcunatapish chai juchallatatac ruhuachishpa Dios-huan piñanacuipi churarca. Chaimantami Mandac Diosca chai shinallatac ruhuarca.

NEHEMÍAS 2:20

Shina nicpimi paicunataca: —Ñucanchictaca jahua pachapi causac Diosmi ayudanga. Shina ayudacpimi, paita servic ñucanchicca tucui jatarishpa cutin allichishun. Ashtahuanpish cancunaca Jerusalenpica imata ruhuanatapish, imata japinatapish, imata yuyarinatapish mana charinguichicchu— nircani.

SALMOS 16:5

Mandac Dioslla, canmi ñucamanca imatapish cungui. ¡Ñuca causaica cambac maquipimi!

HECHOS 8:21

Cambac shungu Dios-huan mana alli cashcamantami, paipac podertaca canman mana cun.

JOSUÉ 22:24

Ashtahuanpish caitaca quipa punzhacuna cancunapac churicuna ñucanchic churicunata: “Israelcunata Dios-huanca ima ricunata mana charinguichicchu.

JOSUÉ 22:26

Chaimantami ñucanchicca: “Cunanca shuc altarta ruhuashunchic. Chai altarca mana Diosman cushpa tucui rupachingapacchu, shinallatac mana animalta cungapacchu,

JOSUÉ 22:27

ashtahuanpish ñucanchicpish, Mandac Diospac ñaupapi servic cashcata, animalta cushpa tucui rupachic cashcata, ofrendata cuc cashcata, Dios-huan alli tucungapac ofrendata cuc cashcata ñucanchicpac, cancunapac quipa huiñai churicunaman shuc ricuchina cachunmi ruhuanchic. Shina ruhuacpimi, quipa punzhacunaca cancunapac churicunaca ñucanchic churicunataca: ‘Cancunaca Mandac Diosmantaca ima japinatapish mana charinguichicchu’ nishpaca mana rimanga” nircanchic.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.