JOSUÉ 22:18 - Dios Rimashcata Quillcashcami

¹⁸ Mandac Diosta catinataca ¿ima nishpatac saquinguichic? Cunan paita piñachishpa, llaquichicpica, caya punzhami mandac Diosca tucui tandanacushca israelcunahuanmi piñaringa.

JOSUÉ 22:18 ပူးပေါင်းရင်းမြစ်များ

2 SAMUEL 24:1

Mandac Diosca israelcunahuan cutinllatac nina japiric shina piñarishpami Davidtaca: «Israelcunatapish, Judá gentecunatapish yupachi» nirca.

1 REYES 9:6

Ashtahuanpish cancunapish, cancunapac huahuacunapish sinchi shungu tucushpa, ñuca mandashcacunata, ñuca quillcachishca shimicunata mana cazushpa, shuctac dioscunata servishpa, alli nishpa causacpica,

2 REYES 17:21

Israelcunataca Davidpac huahua huahuapura mandashpa causanamantami anchuchirca. Paicunaca Nabatpac churi Jeroboamtami jatun mandac cachun churarca. Paimi israelcunataca Mandac Diosta catinamanta anchuchishpa yalli juchata ruhuachirca.

1 CRÓNICAS 21:1

Satanasca israelcunata piñashpami Davidmanca israelcunata yupana yuyaita curca.

1 CRÓNICAS 21:14

Shinami Mandac Diosca jatun mancharina ungüihuan israelcunata llaquichirca. Chai ungüihuanmi canchis chunga huaranga israelcuna huañurca.

2 CRÓNICAS 25:27

Mandac Diosmanta Amasías anchurishca punzhamanta pachami paita piñashpa, huañuchingapac Jerusalenpi pacalla parlanacurca. Chaimantami Amasías Laquis pueblopi miticungapac ricpipish, catishpa rishpa huañuchirca.

2 CRÓNICAS 34:33

Josiasca israelcunapac llactataca chuyanllatami ruhuarca. Chashna ruhuashpami Israel llactapi tucui causaccunataca paicunata Mandac Diosta servichun mandarca. Josiasca paipac tucui causaipimi ñaupa taitacunata Mandac Diosmantaca mana anchurishpa, paillata catishpa causarca.

LEVÍTICO 10:6

Moisés Aarontapish, paipac churi Eleazartapish, Itamartapish rimashpaca: «Llaquilla tucushpa, achca cacharishca ama puricuichicchu. Llaquilla cashcamanta ama churanata lliquirichicchu. Pacta cancunapish huañunguichicman. Pacta tucui israelcunahuan Mandac Dios piñarinman. Cancunapac huauqui israelcunami Mandac Dios rupachishca runacunamanta huacangacuna.

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

NÚMEROS 32:15

Cancuna Mandac Diosta catinata saquishpa cutiricpica, paipish cai shitashca pambapimi cancunata saquinga. Cai shina tucucpica, cancunamantami cai gentecunaca chingaringa— nirca.

DEUTERONOMIO 7:4

Cancunapac churicunaca ñucata catinata saquishpami shuctac dioscunata servi callaringa. Chashna cacpica, Mandac Dios cancunahuan nina japiric shina piñarishpami utca tucuchinga.

JOSUÉ 22:15

Paicunami Rubenpac, Gadpac aillucunapacman shinallatac Manasespac chaupi aillupacman, Galaad llactaman chayashpaca:

JOSUÉ 22:16

—Mandac Diospac tucui tandanacushca israelcunami: “¿Ima nishpatac yachashca jahua israelcunapac Diosta piñachishpa mana cazucunguichic? Cunanca, ¿ima nishpatac Mandac Diosta catinata saquishpa, paita mana cazushpa, shuc altarta ruhuarcanguichic?

JOSUÉ 22:20

¿Zerapac churi Acán Diospac chicanyachishcata japicpi, Mandac Dios tandanacushca israelcunahuan piñarishcaca manachu ñucanchicta llaquichirca? Chai runaca pai mana allita ruhuashcamantaca mana paillachu huañurca” nichunmi cachan— nirca.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:11

Israelcunaca juchallishcacunami. Pactachingapac ñucahuan ari nishcataca mana cazushcacunachu. Ñuca tucuchingapac chicanyachishcataca shuhuashcacunami, llullashcacunami. Chai shuhuashcata paicuna charishcacunapimi pacashca.

JOSUÉ 7:21

Tucui japishcapurapimi Babilonia llactamanta randishca jahualla sumac ishcai patsac kilo pezac cullquita, pichca chunga siclos pezac curi barrata munashpa pacalla japircani. Chaicunaca ñuca carpa huasi ucu chaupi allpapimi pambashca. Cullquipish, chai ucullapitacmi can— nirca.

1 SAMUEL 12:14

Cancunapish, cancunata mandacpish Mandac Diospac ñaupapi allita causaichic. Paita servishpa, cazushpa, pai mandashcacunata pactachishpa causashpaca allimi causanguichic.

1 SAMUEL 12:20

Shina nicpimi Samuelca: —Ama manchaichicchu. Ari cunanca cai tucui juchatami ruhuarcanguichic. Shina cacpipish, chai tucuita ruhuashcamantaca cunanca, Mandac Diosta catinataca mana saquishpami, tucui shunguhuan servina canguichic.