JOSUÉ 22:15 - Dios Rimashcata Quillcashcami

¹⁵ Paicunami Rubenpac, Gadpac aillucunapacman shinallatac Manasespac chaupi aillupacman, Galaad llactaman chayashpaca:

JOSUÉ 22:15 ပူးပေါင်းရင်းမြစ်များ

1 CRÓNICAS 21:3

Shina nicpimi Joabca: —¡Mandac Dios pai acllashca israelcunataca cunan cashcamanta patsac cutinhuan yallita mirachichun! Jatun mandac ñuca amolla, ¿manachu tucui paicunaca ñuca amota serviccuna? Ñuca amo canca ¿Imapactac yupachun mandangui? ¿Imapactac israelcunapac llaquita ruhuashun?— nirca.

2 CRÓNICAS 10:19

Chashnami israelcunaca Davidpac huahua huahuapuramanta chicanyachishpa, cunancaman chican causancuna.

2 CRÓNICAS 25:27

Mandac Diosmanta Amasías anchurishca punzhamanta pachami paita piñashpa, huañuchingapac Jerusalenpi pacalla parlanacurca. Chaimantami Amasías Laquis pueblopi miticungapac ricpipish, catishpa rishpa huañuchirca.

2 CRÓNICAS 26:18

Paicunami jatun mandac Uziasta piñarishpaca: «¡Uzías, Mandac Diosman inciensota rupachinaca mana cambac ruhuanachu! Ashtahuanpish Aaronpac huahua huahua curacunallami chaita rupachingapac chicanyachishca cashcamanta chaita ruhuai pudincuna. Diospaclla ucumanta llucshi. ¿Ima nishpatac chashna mana allita ruhuashpa, Mandac Diosta llaquichingapac shamurcanguiyari? Chashna ruhuashcamantaca Mandac Diospacca mana allichu cangui» nircacuna.

2 CRÓNICAS 28:13

Paicunataca: —Prezu japishcacunataca ama caiman apamuichicchu, Mandac Diospac ñaupapica yallita millaita ruhuaccunamari ricurishun. Ñucanchic juchaca achcamari. Shina cacpipish, cancunaca ñucanchic mana allita ruhuashpa, juchata ruhuashcataca ashtahuanmi mirachinata munanguichic. Diosca yallitami israelcunahuanca piñarishca— nircacuna.

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

ESDRAS 9:2

Chashna cashpami paicunapish, paicunapac churicunapish, caipi causaccunapac ushicunahuan cazarashca. Chashnami jucha illac gentecunaca shuctac llacta gentecunahuan cazarashpa chapurishcacuna. Israel llactata mandaccunarac, quipa mandaccunaracmi millaita ruhuai callarishca» nishpa huillarca.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

ISAÍAS 63:10

Ashtahuanpish paicunaca mana cazushpami, paipac jucha illac Espirituta piñachirca. Chaimantami Diosca paicunata piñashpa, paicunahuan macanacurca.

LEVÍTICO 26:40

Paicunapac, shinallatac paicunapac taitacunapac mana allita ruhuashcata, ñucata mana cazushpa paicuna munashcata ruhuashcata huillangacuna.

LEVÍTICO 5:19

Chaicunaca juchallishpa, Mandac Diosta llaquichishcamanta cushcami» nirca.

NÚMEROS 14:43

Chaipica amalecitacuna, cananeocunami espadahuan huañuchingapac chapacun. Mandac Diosta catinata saquishcanguichicmi. Chaimantami Mandac Diosca cancunahuanca mana can— nirca.

NÚMEROS 32:15

Cancuna Mandac Diosta catinata saquishpa cutiricpica, paipish cai shitashca pambapimi cancunata saquinga. Cai shina tucucpica, cancunamantami cai gentecunaca chingaringa— nirca.

NÚMEROS 5:6

«Israelcunamanta maijan huarmipish, caripish ñucata mana cazushpa, shuccunata llaquichicca juchayucmi tucun.

SAN MATEO 18:17

Paicunata mana uyacpica, tandanacushca criccunaman huillangui. Paicunatapish mana uyacpica, Diosta mana cricta shina, impuestota japicta shina charinguichic.

1 CORINTIOS 1:10

Cuyashca criccuna, Apunchic Jesucristopac shutipimi ama chicanyarinacushpa, tucui imapipish shuc yuyailla, shuc shinalla yuyarishpa, cuyanacushpa causaichic nini.

1 CORINTIOS 5:4

Cancuna tucui tandanacushca cacpica, ñuca yuyaipish, Apunchic Jesucristopac poderpish cancunahuanmi canga.

DEUTERONOMIO 30:17

Shina cacpipish, cancunapac shungupi Diosmanta caruyashpa, mandashcacunatapish mana cazushpa, shuctac dioscunata cungurishpa adorashpaca,

DEUTERONOMIO 7:4

Cancunapac churicunaca ñucata catinata saquishpami shuctac dioscunata servi callaringa. Chashna cacpica, Mandac Dios cancunahuan nina japiric shina piñarishpami utca tucuchinga.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

JOSUÉ 22:12

Chaimantami israelcunaca paicunahuan macanacungapac huichai ringapac Silo pueblopi tandanacurca.

JOSUÉ 22:14

Finees-huanca Israel aillucunapac taitacunapac familiacunata mandac chunga runacunatami cacharca. Paicunaca huaranga huaranga israelcunapac taitacunapac huasi ucupuramanta mandaccunami carca.

JOSUÉ 22:16

—Mandac Diospac tucui tandanacushca israelcunami: “¿Ima nishpatac yachashca jahua israelcunapac Diosta piñachishpa mana cazucunguichic? Cunanca, ¿ima nishpatac Mandac Diosta catinata saquishpa, paita mana cazushpa, shuc altarta ruhuarcanguichic?

JOSUÉ 22:18

Mandac Diosta catinataca ¿ima nishpatac saquinguichic? Cunan paita piñachishpa, llaquichicpica, caya punzhami mandac Diosca tucui tandanacushca israelcunahuanmi piñaringa.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.