JOSUÉ 18:19 - Dios Rimashcata Quillcashcami

¹⁹ Chaimantaca Bet-hogla pueblo jahua ladota rishpa, Jordán yacumanmi llucshicurca. Shina rishpami Cachi Cucha esquinapi tucurirca. Chaimi ura lado linderoca carca.

JOSUÉ 18:19 ပူးပေါင်းရင်းမြစ်များ

GÉNESIS 14:3

Tucui cai pichca jatun mandaccunami Sidim pambapi tandanacurca. Chai pambapimi Cachi yacu cuchaca can.

GÉNESIS 19:25

Chashnami chai llactacunatapish, chaipi causaccunatapish, tucui pambacunatapish, chaipi pucushca granotapish tucuchircami.

ISAÍAS 11:15

Mandac Diosca Egiptopi tiyac mama cuchamanta llucshicuc yacutapish chaquichingami. Paipac poderyuc Espirituhuanmi Eufrates jatun yacu jahuata maquita chutashpa, chai yacumanta llucshicuc canchis yacucunatapish chaquichinga. Shina chaquichishpami israelcunataca paicuna churarishca ushutandi pasachinga.

NÚMEROS 34:3

Ura lado Zin shitashca pambamantaca Edom llacta tupanacuitami canga. Chai ura inti llucshina lado linderoca Cachi Cucha tucuricamanmi canga.

DEUTERONOMIO 3:17

Jordán yacuta lindero ruhuashpami, Arabá llactataca Cineretmanta Arabá Cachi Cuchacaman curcani. Pisga urcu quingraicamanmi inti llucshina ladomanca curcani.

JOSUÉ 12:3

Inti llucshina ladomanca Arabá pambata catishpa, Cineret mama cuchata catishpa, Arabá mama cuchacaman, chaimantaca Cachi Cuchacaman shinallatac Bet-jesimot puebloman rina ñan uraita catishpami carca. Ura ladomanca Pisga loma quingraicunacamanmi carca.

JOSUÉ 15:2

Chai ura lado linderoca Cachi Cucha chaquimanta callarishpa,

JOSUÉ 18:18

Chaimantaca Bet-haarabá chimba pamba ladomantami Arabá pambaman llucshirca.

JOSUÉ 18:20

Inti llucshina ladomanca Jordán yacumi lindero carca. Caimi Benjamín ailluman paicuna mashna cashcata ricushpa cushca allpacunapish, muyundi linderopish carca.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.