JOSUÉ 18:1 - Dios Rimashcata Quillcashcami

¹ Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JOSUÉ 18:1 ပူးပေါင်းရင်းမြစ်များ

2 SAMUEL 7:6

Ñuca Egiptomanta israelcunata llucchimushca punzhamanta cunancamanmi jaicapi ñuca huasipica mana causashcani. Ashtahuanpish yangalla carpa huasillapi, jatun carpa huasillapimi causarcani.

1 REYES 14:2

Shina tucucpimi, Jeroboamca paipac huarmitaca: «Can ñuca huarmi cacta ama pi ricsichunca shuc churanata churarishpa, Silo pueblopi causac Dios ima nishcata huillac Ahías runapacman ri. Cai llactapi ñuca jatun mandac tucunataca paimi huillarca.

1 REYES 14:4

Jeroboampac huarmica pai nishca shina ruhuashpami, Silo pueblopi causac Ahiaspac huasiman chayarca. Ahiasca ña yuyac cashpami, paipac ñahui amsayacpi, mana alli ricui pudirca.

1 REYES 2:27

Shinami Salomonca Abiatar curataca Mandac Diospac cura cashcamanta llucshishpa cacharca. Elí curapac huahua huahuacuna ima tucunata Silo pueblopi Mandac Dios rimashca pactachunmi chashnaca ruhuarca.

NEHEMÍAS 9:24

Paicunapac huahua huahuacunami chai llactataca japirca. Chai llactapi causac cananeocunata atishpami, paicuna munashcata ruhuashpa llaquichichun, jatun mandaccunandi, chai llactapi causaccunandi, paicunapac maquipi churarcangui.

SALMOS 78:60

Chaimantami Silo pueblo gentecunapac chaupipi cac paipac carpa huasitaca saquirca.

SALMOS 78:66

Paita piñaccunataca huashaiman callpachishpami llaquichirca. Chashnami huiñaita pingaichirca.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

JEREMÍAS 26:9

¿Ima nishpatac canca: “Cai huasica Silo llacta huasicuna shinami tucuchishca canga. Cai llactapish llaquinayaitami tucuchishca canga. Shucllapish mana saquiringachu” nishpa, Mandac Diospac shutipi huillangui?» nirca. Shina nishpami Jeremiasta llaquichingapac tucui mashna Mandac Diospac huasipi tandanacurca.

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

NÚMEROS 32:22

Ña tucui chai allpata caishuc israelcunaman japishca quipaca cutimunguichiclla. Cancuna ruhuashun nishcata Diospac ñaupapipish, israelcunapac ñaupapipish pactachishpaca, ima llaquitapish mana apanguichicchu. Cancuna chashna ruhuacpica, cai allpaca Mandac Diospac ñaupapi cancunapacmi canga.

HECHOS 7:45

Ñaupa taitacunami chai huasitaca paicunapac ñaupa taitacunamanta japishca carca. Tauca huata quipami, Josué paicunata pushamucpi, chai shitashca pambamantaca cai cunan ñucanchic causacuc llactaman apamurca. Ñucanchic taitacuna cusha nishca llactapi causachunmi, Diosca chai mana israelcunataca llucchishpa cacharca. Chai huasitaca David mandac tucungacamanmi charircacuna.

JOSUÉ 18:2

Shina cashpapish Israelpuramanta canchis aillumanca manarac allpata chaupishpa cushcachu carca.

JOSUÉ 18:8

Shina nicpimi, chai runacunaca jatarishpa, allpacuna ima shina cashcata ricungapac rirca. Shina ricungapac ricucpimi Josueca: —Chai llactaman rishpa, alli ricushpa ñucapacman cutinguichic. Ñucami Silo pueblopi Mandac Diospac ñaupapi suerteta ruhuashpa cusha— nirca.

JOSUÉ 19:51

Eleazar curapish, Nunpac churi Josuepish, huasi ucupurata pushaccunapish Mandac Diospac ñaupapi suerteta ruhuashpa, israelcunaman chaupishpa cushca allpaca chaicunami carca. Chaitaca Silo pueblopi Dios-huan tupana huasi pungupimi curca. Chashnami chai allpataca chaupishpa tucuchirca.

JOSUÉ 21:2

Canaán llactapi cac Silo pueblopi carpacunata shayachishpa causacucpi cuchuyashpa: «Mandac Diosca Moisestaca ñucanchic causana pueblocunataca animalcunata michina pambacunandi ñucanchicman cuchunmi mandarca» nirca.

JOSUÉ 22:12

Chaimantami israelcunaca paicunahuan macanacungapac huichai ringapac Silo pueblopi tandanacurca.

JOSUÉ 22:19

Cancuna, causacuc llacta mapayacpica, Mandac Diospac allpaman shamuichic. Caipica Dios-huan tupana huasipish tiyanmi. Caiman shamushpa, ñucanchic-huan causaichic, allpata japinguichicllami. Ashtahuanpish ñucanchicta Mandac Diospac altar tiyashca jahua, shuctac altarta ruhuashpa, Mandac Diostapish piñachishpa ama ñucanchictapish llaquichichicchu.

JOSUÉ 22:9

Shinami Rubenpac, Gadpac aillucunapish, Manasespac chaupi aillupish Canaán llactapi cac Silo pueblopi israelcunamanta caruyashpa, paicunapac Galaad llactaman cutimurca. Chai llactataca Mandac Dios Moisesta mandashca shinami, paicuna causachun curca.

JUECES 18:31

Chashnami paicuna alli ningapac Micaías ruhuashca diosta Diospaclla carpa huasi Silo pueblopi tiyashca punzhacunacaman chaipi charircacuna.

JUECES 21:12

Jabes-galaad llactapi causaccunapurapica carihuan manarac chayarishca huarmicunataca chuscu patsactami tarirca. Paicunatami Canaán llactapi cac Silo pueblopi cac carpa huasiman apamurcacuna.

JUECES 21:19

Israelcunaca: «Riquichic, huatantami Silo pueblopi Mandac Diosman shuc fiesta ruhuancuna. Silo puebloca Bet-el pueblomanta jahuamanmi saquirin. Bet-elmanta Siquemman rina ñanta, inti llucshina ladoman Lebona pueblomantaca ura ladomanmi can» nirca.

1 SAMUEL 1:24

Huahuata chuchumanta raquishca quipami, Mandac Diospac huasiman Silo puebloman apamurca. Paihuanca quimsa huatata charic becitapish, ishcai chunga ishcai kilo harinatapish, shuc puñu vinotapish aparcami. Huahuaca uchillaracmi carca.

1 SAMUEL 1:3

Elcanaca Mandac Diosta alli ningapac animalta cushpa huañuchingapacmi, pai causana pueblomantaca Silo puebloman huatanta huichai ric carca. Chaipica Elipac ishcai churicuna Ofni, Fineesmi, Mandac Diospac curacuna carca.