JOSUÉ 15:63 - Dios Rimashcata Quillcashcami

⁶³ Ashtahuanpish Judapac churicunaca Jerusalenpi causac jebuseocunataca mana llucchishpa cachai pudircachu. Chaimantami jebuseocunaca Judá ailluhuan cunancaman chaillapitac causan.

JOSUÉ 15:63 ပူးပေါင်းရင်းမြစ်များ

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

1 CRÓNICAS 8:28

Paicunapac huahua huahuacunapica paicunami huasi ucu familiataca mandaccuna carca. Paicunaca Jerusalenpimi causarca.

JOSUÉ 15:62

Nibsán, Cachi pueblo shinallatac En-guedi pueblocunami carca. Sucta pueblocunami, muyundi uchilla llactacunandi carca.

JOSUÉ 15:8

Shinami Ben-hinompac churipac jatun pugru pambata huichai rishpa, jebuseocunapac urcu quingrai ura ladocaman carca. Hinompac churicunapac pamba ladopi cac Refaim pugru pamba jahua ladomanca urcu lomacamanmi huichai rirca.

JUECES 1:21

Shina cacpipish, Benjamín ailluca Jerusalenpi causac jebuseocunataca mana llucchishpa cachai pudircachu. Chaimantami jebuseocunaca Benjamín ailluhuan cunancaman chaillapitac causancuna.

JUECES 1:8

Judá ailluca Jerusalenpi causaccunahuan macanacushpami, chai pueblota japishpa, chaipi causaccunataca espadahuan huañuchishpa pueblota rupachirca.