JOSUÉ 15:47 - Dios Rimashcata Quillcashcami

⁴⁷ Shinallatac Asdod pueblopish, muyundipi tiyac huasicunapish, uchilla llactacunapishmi carca. Gaza pueblopish muyundipi tiyac huasicunapish, uchilla llactacunapishmi carca. Chai pueblocunaca Egipto llacta jatun yacucaman shinallatac mama cucha patacunacamanmi carca.

JOSUÉ 15:47 ပူးပေါင်းရင်းမြစ်များ

1 REYES 5:4

Cunanca, ñucata Mandac Diosmi muyundi llactacunapi mana piñanacushpa, alli causachun churashca. Chaimantami yarcaipish, huañuipish mana tiyanga.

2 REYES 18:8

Shinallatac filisteocunatapish Gaza pueblocaman, chai pueblo linderocamanmi catishpa tucuchirca. Chapana torremanta callarishpa, jatun pircahuan muyundita jarcashca pueblocamanmi catishpa tucuchirca.

2 CRÓNICAS 26:6

Uziasca filisteocunahuan macanacungapac llucshishpaca, Gat, Jabnia, Asdod pueblo muyundi jatun pircacunatami urmachirca. Chai quipaca Asdod llacta muyundipipish, filisteocunapac llactapipish shuctac pueblocunatami shayachirca.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

JEREMÍAS 47:1

Gaza llactapi causac filisteocunata jatun mandac Faraón manarac llaquichicpimi, Mandac Diosca filisteocunamanta pai ima nishcata huillac Jeremiasman huillarca.

JEREMÍAS 47:5

Gaza runacunaca llaquirishpami, uma acchata pitinga. Ascalonpi causaccunaca tucuringami. Pugru pambacunapi causaccuna, ¿ima horascamantac quiquin aichata chugriringuichic?

SOFONÍAS 2:4

Gaza llactaca shitashcami saquiringa. Ascalón llactaca llaquinayaitami tucuchishca canga. Chaupi punzhami Asdod llactapi causaccunataca llucchishpa cachanga. Ecrón llactapi causaccunataca sapimanta llucchic shinami llucchishpa cachanga.

HECHOS 8:26

Mandac Diospac angelca Felipetaca: «Jatarishpa, Jerusalenmanta shitashca pamba ñanta Gaza puebloman ri» nirca.

DEUTERONOMIO 2:23

Shinallatac Gazapi tiyac uchilla llactacunapi causac aveocunataca Caftor llactamanta caftoreocuna shamushpami tucui tucuchishpa, chaipi causai callarircacuna).

JOSUÉ 11:22

Anaquitacunaca israelcunapac llactapica shucllapish mana saquirircachu. Ashtahuanpish maijancunallami Gaza, Gat, Asdod pueblocunapi saquirirca.

JOSUÉ 13:3

Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

JOSUÉ 15:4

Chaimantaca Asmón pueblota pasashpa, Egipto jatun huaicu yacuta catishpa, mama cuchacamanmi carca. Ura lado linderoca caicunami carca.

JOSUÉ 15:46

Ecrón pueblomanta mama cuchacaman, Asdod pueblo muyundi huasicunapish, uchilla llactacunapishmi carca.

JOSUÉ 15:48

Urcucunapica: Samir, Jatir, Soco,