JOSUÉ 15:19 - Dios Rimashcata Quillcashcami

¹⁹ Shina nicpimi paica: —Ñuca mañashcata uyaiyari. Neguev allpata cushpaca yacu allpatapish cuiyari— nirca. Shina nicpimi, Calebca jundu yacu tiyac allpata uramanpish, jahuamanpish curca.

JOSUÉ 15:19 ပူးပေါင်းရင်းမြစ်များ

GÉNESIS 12:9

Chaimantaca Abramca ashancaman rishpami, Neguev llactaman chayarca.

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.

2 CORINTIOS 9:5

Chaimantami cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

DEUTERONOMIO 33:7

Judamanta nishpaca: «¡Mandac Dioslla, Judá mañashcataca uyaiyari! Paipac gentecunatapish apamuiyari. Paita piñaccunataca cambac poderhuan mishachiyari» nirca.

JOSUÉ 15:18

Paipac huarmita ña pushashpa ricushpami, paipac taitaman tarpuna allpata mañachun nirca. Chaimantami chai huarmica burro jahuamanta uricurca. Chashna ricucpimi Calebca: —¿Imatac tucungui?— nirca.

JOSUÉ 15:20

Judá ailluman paicuna mashna aillu cashcata ricushpa cushca llactacunaca caicunami.

1 SAMUEL 25:27

Cunanca, ñuca mandacman carangapac canta servic ñuca apamushcata chasquishpa, ñucata mandacta catishpa puric runacunaman carai.