JOSUÉ 13:15 - Dios Rimashcata Quillcashcami

¹⁵ Moisesca Rubenpac aillumanca paicuna mashna cashcata ricushpami allpata curca.

JOSUÉ 13:15 ပူးပေါင်းရင်းမြစ်များ

GÉNESIS 35:23

Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.

ÉXODO 6:14

Caicunami ñaupa taitacunapac aillucunata mandaccunaca: Israelpac punta churi Rubenpac churicunaca: Hanoc, Falú, Hezrón, Carmimi carca. Paicunaca Rubenpac churicunami carca.

EZEQUIEL 48:6

Efraín aillupac allpa lindero ladopica, Rubén aillupac allpami inti llucshina ladomantaca inti tigrana ladocaman canga.

JOSUÉ 13:14

Ashtahuanpish Levipac aillumanca mana allpata curcachu. Paicunaca Dios mandashca shina, israelcuna Mandac Diosman animalcunata cushpa huañuchishca aichatami japina carca.

JOSUÉ 13:16

Paicunapac allpataca Arnón yacu ladopi tiyac Aroer pueblomantaca jatun pamba chaupipi tiyac pueblotapish, shinallatac tucui urcu pambacunatapishmi Medeba pueblocaman carca.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JUECES 11:20

Shina mañacpipish Sehonca israelcunata mana crishpami, pasachinapac randica Jahaza pambapi soldadocunata tandachishpa israelcunahuan macanacurca.