JOSUÉ 11:20 - Dios Rimashcata Quillcashcami

²⁰ Mandac Diosca Moisesta mandashca shinami paicunataca israelcunahuan macanacuchun, chashna macanacushpaca mana llaquishpa tucuchishca cachun, sinchi shunguta ruhuarca.

JOSUÉ 11:20 ပူးပေါင်းရင်းမြစ်များ

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

1 REYES 12:15

Jatun mandacca israelcuna mañashcataca mana uyarcachu. Mandac Diosca Nabatpac churi Jeroboamman Silo pueblopi causacuc Ahiasta huillashca pactachunmi chashna ruhuarca.

2 CRÓNICAS 22:7

Ocozías Joramta ricungapac rishpa, huañuna cashcataca Mandac Diosllatacmi munarca. Mandac Diosmi Nimsipac churi Jehutaca Acabpac huasi ucupurata huañuchichun, aceitehuan cahuishpa acllashca carca. Ocoziasca Jorampacman chayashpami, Jehuhuan tupangapac Joramllahuantac llucshirca.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

ÉXODO 10:1

Mandac Diosca Moisestaca: —Faraonpacman ri. Ñuca mancharinacunata ruhuaclla cashcata paicunaman ricuchingapacmi, paitapish, paita serviccunapac shunguta sinchiyachircani.

ÉXODO 11:10

Moisespish, Aaronpish Faraonpac ñaupapi mancharinacunatami ruhuashpa ricuchirca. Mandac Diosllatac Faraonpac shunguta sinchiyachicpimi, israelcunataca chai llactamanta mana cacharirca.

ÉXODO 14:17

Ñucami Egipto runacunapac shunguta sinchiyachisha. Chashna ruhuacpimi, cancunata catishpa, cuchaman yaicunga. Chashna yaicucpimi, Faraontapish, paipac soldadocunatapish, tucui paipac carretacunapi tiyaccunandi tucuchishpa, ñuca jatun cashcata ricuchisha.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

ÉXODO 14:8

Mandac Dios Egipto llactata jatun mandac Faraonpac shunguta sinchiyachicpimi, israelcunata catirca. Ashtahuanpish israelcunaca imatapish mana manchashpami llucshirca.

ÉXODO 4:21

Mandac Diosca Moisestaca: —Egiptoman cutishpa, Faraonpac ñaupapi tucui ñuca ruhuachun nishca ricuchinacunata ruhuashpa ricuchingui. Ashtahuanpish ñucaca paipac shunguta sinchiyachishami. Shina ruhuacpica, israelcunataca mana cacharingachu.

ÉXODO 9:12

Mandac Diosca Moisesta nishca shinami Faraonpac shunguta sinchiyachirca. Chaimantami mana cazurca.

ÉXODO 9:16

Ashtahuanpish ñuca imatapish ruhuai pudic cashcata ricuchingapac, cai pachapi causaccunaman ñuca pi cashcata ricuchingapacmi mana chashna tucuchircani.

ISAÍAS 14:24

Tucuita Mandac Dios ari nishpaca: «Ñuca yuyarishcataca ruhuashatacmi. Imata ruhuanata yuyarishcataca pactachishatacmi.

ISAÍAS 34:2

Mandac Diosca tucui llactapi causaccunahuan, chai llacta soldadocunahuanmi yallita piñarishca. Paicunataca huañuchiccunapac maquipi churashpami tucuchinga.

ROMANOS 9:18

Shina cacpica, Diosca maijanta llaquisha nishpaca llaquinllami, maijanta shunguta sinchiyachisha nishpaca sinchiyachinllami.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

JUECES 14:4

Chai huatacunaca filisteocunami israelcunata macashpa causacurca. Chaimantami Mandac Diosca israelcunahuan, filisteocunahuan piñanacuchingapac chashna ruhuarca. Cai yuyaicuna Diosmanta shamushcataca taita mamaca mana yacharcachu.

1 SAMUEL 2:25

Maijanpish shuc runata piñashpa llaquichicpica, juezcunami allichinga. Ashtahuanpish Mandac Diosta piñashpa juchata ruhuacpica, ¿pitac allichingayari?— nirca. Shina nicpipish, paicunaca taita rimashcataca mana uyasha nircacunachu. Chaica Mandac Diosllatac causaita paicunamanta quichugricucpimi mana uyarca.