JOSUÉ 11:15 - Dios Rimashcata Quillcashcami

¹⁵ Ima shinami Mandac Dios paita servic Moisesta mandashca shinallatacmi Moisesca Josueta mandarca. Mandac Dios Moisesta mandashcataca Josueca imata mana saquishpami tucuita ruhuarca.

JOSUÉ 11:15 ပူးပေါင်းရင်းမြစ်များ

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

NÚMEROS 33:50

Israelcunaca Moab llactapi cac Jordán yacu lado Jericó chimba ladopimi causarca. Paicuna chaipi cacpimi, Mandac Diosca Moisestaca:

NÚMEROS 33:52

chai llactapi causaccunataca tucuita llucchishpa cachanguichic. Chashnallatac rumimanta ruhuashca dioscunata chingachinguichic. Lomacunapi ruhuashca altarcunatapish tucuita chingachinguichic.

SAN MATEO 23:23

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca mentatapish, anistapish, cominotapish patsacmanta chungatami cunguichic. Chashna cashpapish Dios mandashcacunatapish, cashcata ruhuanatapish, llaquic canatapish, Diosta crinatapish cungaringuichicmi. Caicunatami ashtahuan ruhuana canguichic. Ofrendata cunatapish mana saquinachu canguichic.

SAN LUCAS 11:42

¡Aij, fariseocunalla, cancunaca cashcata ruhuanata, Diosta cuyanata saquishpami, mentata, rudata, ima micuna sachata chungamanta shucta Diosman cunguichic! Chaita ruhuashpapish, cashcata ruhuanata, Diosta cuyanataca mana saquinachu canguichic.

HECHOS 20:20

Ñucaca cancunapac allipacmi huillacurcanilla, yachachicurcanilla. Chashnami tucuipac ñaupapipish, huasicunapipish huillacurcani.

HECHOS 20:27

Chaica, Dios huillachun nishcataca, mana pacashpami tucui huillarcani.

DEUTERONOMIO 12:32

Ñuca mandashcallata ruhuanguichic, ama yapachinguichicchu, ama anchuchinguichicchu.

DEUTERONOMIO 31:3

Ashtahuanpish Mandac Diosmi cancunapac ñaupata rishpa, chai llactapi causaccunata cancunapac ñaupapi tucuchinga. Chashna ruhuacpimi, llucchishpa cachanguichic. Mandac Dios nishca shinami Josueca cancunapac ñaupata pasanga.

DEUTERONOMIO 31:5

Mandac Dios chai llactapi causaccunata cancunapac maquipi churacpimi, cancunaca ñuca mandashca shina ruhuanguichic.

DEUTERONOMIO 31:7

Chaimanta Moisés Josueta israelcunapac ñaupaman cayashpaca: «Ama manchaichu, sinchi cai. Canmi Mandac Dios ñaupa taitacunaman cungapac ari nishca llactamanca israelcunata ñaupashpa yaicugringui. Canmi chai llactataca paicunaman cungui.

DEUTERONOMIO 4:2

Cai ñuca mandashcacunataca ama yapachinguichicchu, ama anchuchinguichicchu. Ñuca yachachishca, Mandac Dios mandashcacunataca cazushpa causanguichic.

DEUTERONOMIO 4:5

Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.

DEUTERONOMIO 7:2

Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

JOSUÉ 1:7

Ñucata servic Moisés mandashcata tucui pactachingapacca, mana manchashpa, sinchi cai. Tucui causaipi ima ruhuashcacuna alli llucshichunca cai mandashcacunamantami lluqui ladomanpish, alli ladomanpish mana ladoyana cangui.

JOSUÉ 11:12

Shinallatac Josueca chai jatun mandaccunapac tucui pueblocunapi causaccunata chaipi cac tucui jatun mandaccunandimi huañuchirca. Mandac Diosta servic Moisés mandashca shinallatacmi espadahuan huañuchishpa tucuchirca.

JOSUÉ 11:14

Israelcunaca chai pueblocunapi tucui ima tiyashcacunatapish, animalcunatapishmi japirca. Ashtahuanpish chaipi causac gentecunataca shucllatapish, mana saquishpami espadahuan tucui huañuchirca.

JOSUÉ 11:16

Josueca chashnami tucui llactacunata japirca. Urcucunapi tiyac pueblocunata tucui Neguev pambacunata, Gosén tucui llactacunata, jatun pamba Sefelata, Arabá llactata, Israel urcucunatapish pugru pambacunandimi japirca.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.