JOSUÉ 11:14 - Dios Rimashcata Quillcashcami

¹⁴ Israelcunaca chai pueblocunapi tucui ima tiyashcacunatapish, animalcunatapishmi japirca. Ashtahuanpish chaipi causac gentecunataca shucllatapish, mana saquishpami espadahuan tucui huañuchirca.

JOSUÉ 11:14 ပူးပေါင်းရင်းမြစ်များ

2 CRÓNICAS 20:25

Josafatca paipac soldadocunahuanmi huañushcacuna ima charishcata japingapac shamurca. Shina shamushpaca, achca churanacunata, imapish ashtahuan valishca sumaccunatami japirca. Macanacuipi quichushca achca cacpi, mana apai pudishpami, quimsa punzhacaman tandachicurca.

NÚMEROS 31:9

Chashna huañuchishpami israelcunaca madianita huarmicunatapish, huahuacunatapish prezu aparca. Paicunapac tucui animalcunatapish, huagracunatapish, imalla charishcacunatapish quichushpami aparca.

DEUTERONOMIO 20:14

Huarmicunatapish, huahuacunatapish, animalcunatapish, chai llactapi imalla tiyashcacunatapish japinguichic. Cancunata piñaccunamanta quichushcata micunguichic. Chaicunataca Mandac Diosmi curca.

DEUTERONOMIO 20:16

Mandac Dios cancunaman cushca llactacunapi tiyac llactacunapi causaccunataca shucllatapish ama saquishpa, tucui huañuchinguichic.

JOSUÉ 10:40

Chashnami Josueca tucui pueblocunata japirca. Urcucunapi tiyac tucui pueblocunata, Neguev shitashca pambacunata, quingraicunata, chaipi tiyac tucui jatun mandaccunatapish huañuchishpami, shucllatapish mana causacta saquirca. Chashnami israelcunata Mandac Dios mandashca shinallatac shucllatapish mana causacta saquishpa, tucui huañuchirca.

JOSUÉ 11:11

Chaipica shucllatapish mana saquishpami, espadahuan tucui tucuchishpa, Hazor pueblotapish rupachirca.

JOSUÉ 11:13

Ashtahuanpish israelcunaca lomacunapi tiyac pueblocunataca mana rupachircachu. Hazor pueblollatami Josueca rupachirca.

JOSUÉ 11:15

Ima shinami Mandac Dios paita servic Moisesta mandashca shinallatacmi Moisesca Josueta mandarca. Mandac Dios Moisesta mandashcataca Josueca imata mana saquishpami tucuita ruhuarca.

JOSUÉ 8:2

Hai pueblotapish, chai llactata jatun mandactapish, ima shinami ruhuarcangui shinallatacmi Jericó pueblotapish, chai llactata jatun mandactapish ruhuana cangui. Ashtahuanpish paicuna charishcacunallata, paicunapac huagracunallata japinguichic. Shinallatac cungailla puebloman yaicungapacca chai pueblo huashata maijan runacunata cachangui» nirca.

JOSUÉ 8:27

Mandac Dios Josueta mandashca shinami, israelcunaca Hai pueblopi causaccunapac animalcunallata, tucui ima tiyashcacunallatami japirca.