JOSUÉ 10:35 - Dios Rimashcata Quillcashcami

³⁵ Chai punzhallatami chai pueblota japishpa, chaipi causaccunataca espadahuan chugrichishpa huañuchirca. Chai punzhapica Laquis pueblopi causaccunata shinallatacmi chai pueblopi causaccunatapish shucllatapish mana saquishpa, tucui huañuchirca.

JOSUÉ 10:35 ပူးပေါင်းရင်းမြစ်များ

JOB 19:10

Tucui ladocunamanta llaquichishpami huañuchigrin. Ñuca shuyacushcataca yurata pitic shinami anchuchirca.

LEVÍTICO 26:44

Paicuna piñaccunapac llactapi cacpipish, mana saquishachu. Mana jichushachu, mana chingachishachu. Paicunapac taitacunahuan ari nishcatapish mana yangata ruhuashachu. Ñucaca cancunata Mandac Diosmi cani.

JOSUÉ 10:34

Josuepish, tucui israelcunapish Laquis pueblomantaca Eglón pueblomanmi rirca. Chai pueblo ladopi carpacunata shayachishpami chaipi causaccunahuan macanacurca.

JOSUÉ 10:36

Chai quipaca Josuepish, tucui israelcunapish Eglón pueblomantaca Hebrón puebloman huichai rishpami chaipi causaccunahuan macanacurca.

JOSUÉ 10:37

Hebrón pueblota japishpaca, chai pueblota jatun mandactapish, chai pueblo cuchulla llactacunapi causaccunatapish tucuimi huañuchirca. Paicunataca espadahuan chugrichishpami shucllatapish mana saquishpa, tucui huañuchirca. Chaipi causaccunapish, Eglón pueblopi causaccunapish, shucllapish mana causac saquirircachu.