JOSUÉ 10:16 - Dios Rimashcata Quillcashcami

¹⁶ Chai pichca jatun mandaccunaca miticushpa rishpami Maceda pueblo ladopi tiyac shuc jutcupi yaicurca.

JOSUÉ 10:16 ပူးပေါင်းရင်းမြစ်များ

SALMOS 68:12

«¡Jatun mandaccunami paicunapac soldadocunandi callpacun!» nircacuna. Cutin huasipica huarmicunami macanacuipi quichushcata chaupinacurca.

SALMOS 68:13

Ashtahuanpish cancunaca ovejacunapac chaupipimi sueñurcanguichic. Palomapac alasta cullquihuan cahuishca shina, plumacunapish curihuan cahuishca shinami tucunguichic.

AMÓS 9:2

Seolcaman jutcushpa miticucpipish, chaimantami ñuca maquihuan llucchisha. Jahua pachaman huichai ricpipish, chaimantami uricuchisha.

MIQUEAS 7:17

Paicunaca culebra shina, llucashpa puric animalcuna shinami ñuto allpata micunga. Culebra mancharishpa jutcumanta llucshic shinami chucchunga. Mandac Diospacmanmi manchaihuan chucchushpa cutiringa. Can llaquichinatami manchanga.

JOSUÉ 10:15

Chai quipaca Josueca israelcunandimi Gilgalpi cac carpa huasicunaman cutirca.

JOSUÉ 10:17

Chai pichca mandaccuna jutcupi miticushpa tiyacuctaca ñami Josueman huillarca.

JOSUÉ 10:5

Chaimantami Jerusalenta, Hebrón pueblota, Jarmut pueblota, Laquis pueblota, Eglón pueblota pichca jatun mandaccunaca tandanacushpa, paicunapac tucui macanacuc runacunahuan llucshirca. Gabaón pueblo chimba ladopimi carpacunata shayachishpa, chai pueblopi causaccunahuan macanacurca.

APOCALIPSIS 6:15

Shinallatac cai pachata jatun mandaccunapish, soldadocunata jatun mandaccunapish, chayuccunapish, jatun pushaccunapish, serviccunapish, mana serviccunapish, tucuimi urcupi tiyac rumi jutcucunapi, shinallatac machaicunapi miticugrircacuna.

JUECES 6:2

Madianitacuna israelcunata yallita llaquichicpimi, paicunaca urcucunapi, machaicunapi, mai pacallacunapi miticurca.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.

1 SAMUEL 24:3

Shina ricushpami, oveja corral ladoman chayarca. Chai ladopimi shuc jatun machai tiyarca. Chai machaimanmi Saulca allichiringapac yaicurca. Chai machaillapitacmi ashtahuan ucuman Davidpish, paipac runacunapish miticushpa tiyacurca.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.