JOSUÉ 1:16 - Dios Rimashcata Quillcashcami

¹⁶ Shina nicpimi, paicunaca Josuetaca: —Ñucanchicca can tucui mandashcacunatami pactachishun. Maiman richun nicpipish rishunllami.

JOSUÉ 1:16 ပူးပေါင်းရင်းမြစ်များ

ESDRAS 10:4

Jatari, canmi caita ruhuana cangui. Ñucanchicca canhuanmi cashun. Shina cashcamanta sinchiyai, caitaca utca ruhuailla» nirca.

NÚMEROS 32:25

Shina nicpimi, Gadpac, Rubenpac aillucuna Moisesta rimashpaca: —Canta servic ñucanchicca can imata mandashcatami ruhuashun.

NÚMEROS 32:31

Shina nicpimi, Gadpac, Rubenpac aillucuna rimashpaca: —Canta servic ñucanchicca Mandac Dios mandashca shinami ruhuashun.

DEUTERONOMIO 34:9

Nunpac churi Josueca Moisés maquita uma jahuapi churashcamantami alli yachac carca. Chaimantami israelcunaca Mandac Dios Moisesta mandashca shina Josué tucui nishcata cazurca.

DEUTERONOMIO 5:27

Chaimanta ñucanchicta Mandac Dios rimashcata can uyailla. Quipataca ñucanchicman huillangui. Ñucanchicca can nishcata uyashpa ruhuashunllami” nircanguichicmi.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

JOSUÉ 1:17

Moisés mandashcata ima shinami cazurcanchic, shinallatacmi cantapish cazushun. Mandac Dios ima shinami Moises-huan carca, chashnallatacmi canhuanpish cachun munanchic.