JOEL 3:18 - Dios Rimashcata Quillcashcami

¹⁸ Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

JOEL 3:18 ပူးပေါင်းရင်းမြစ်များ

JOB 29:6

Lecheca yallitami tiyac carca. Aceiteca yacu shinami rumimanta llucshic carca.

SALMOS 46:4

Shuc jatun yacumi jahua pachapi causac Diospac pueblopi tiyac paipaclla huasita cushichicun.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

ISAÍAS 30:25

Yallita huañui punzhapi torrecuna urmacpica, tucui urcu patamanta, jatun lomacunamantami jatun yacucunapish, ashalla yacucunapish llucshicunga.

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 45:8

Jahua pacha, jahuamanta tamyata cachac shina, cashcata ruhuana yuyaita cachaiyari. Puyupish tamyata cachac shina, cashcata ruhuana yuyaita cachaiyari. Allpapish quishpirina tiyachun, cashcata ruhuana yuyai tiyachun pascariyari. Mandac Dios ñucami chaicunataca ruhuarcani.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

ISAÍAS 66:11

Mana nicta chuchuc shinami, yallita cushicunga. Chashnami leche jundashcata chuchushpa cushicunguichic» ninmi.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

NÚMEROS 25:1

Israelcunaca Sitimpimi causacurca. Chaipimi Moabpi causac huarmicunahuan huainayai callarirca