JOEL 2:27 - Dios Rimashcata Quillcashcami

²⁷ Shina ruhuacpimi, cancunaca ñucaca cancunapac chaupipi cashcata, ñucaca Mandac Dios cashcata, ñucapac randi shuctac dios mana tiyashcata yachac chayanguichic. Pai acllashcacunaca jaicapi mana pingaichishcachu canga.

JOEL 2:27 ပူးပေါင်းရင်းမြစ်များ

SALMOS 46:5

Diosmi chai pueblo chaupipi tiyacun. Chai pueblotaca pi mana cuyuchingachu. Tutamanta achicyanataca Diosmi ayudanga.

SALMOS 68:18

Mandac Dioslla, prezucunata apashpami, jahuaman rircangui. Gentecunamantapish ofrendata japircanguimi, mana cazuccunamantapish japina cashcatami japircangui. Paicunapac chaupipi mandangapacmi chashna japircangui.

PROVERBIOS 1:23

¡Ñuca rimashcata uyashpa cutimuichicyari! ¡Riqui, ñuca rimashcacunata yachacuchunmi munani! ¡Cancunapac jahuapica ñuca Espiritutami tallic shina cachasha!

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 44:8

Ama manchaihuan chucchuichicchu. ¿Manachu utcapi cancunaman huillashpa uyachircani? Chaitaca cancunallatacmi yachanguichic. ¿Ñucamanta shuctac Diosca tiyanchu? Mana, mana ñuca shina jatun poderta charic Diosca tiyanchu. Mana ricsinichu” ninimi» nirca.

ISAÍAS 45:18

Jahua pachatapish, cai pachatapish Diosca sumactami ruhuarca. Yanga tiyachunca mana ruhuarcachu. Ashtahuanpish chaipi causachunmi ruhuarca. Mandac Diosca: «Ñucallami Mandac Dios cani, ashtahuan shuctac Diosca mana tiyanchu.

ISAÍAS 45:5

Ñucallami Mandac Diosca cani. Shuctac Diosca mana tiyanchu. Ñucamanta shuctac Diosca mana tiyanchu. Can ñucata mana ricsicpipish, ñucami alli chumbillichic shina sinchiyachircani.

ISAÍAS 45:6

Chaica, inti llucshic ladomanta inti tigrana ladocaman causaccunaca ñucaca Mandac Dios cashcata, shuctac Diosca mana tiyashcata yachachunmi chashnaca ruhuarcani.

ISAÍAS 46:9

Utca huatacunapi ñuca imata ruhuashcacunatapish yuyarichicyari. Ñucami Dios cani, ashtahuan shuctac Diosca mana tiyanchu. Ñucaman shinaca pipish mana tiyanchu.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

EZEQUIEL 37:6

Cancunapica angucunatapish, aichatapish churashpami jahuataca carahuan tapasha. Causaita cuc samaita churashpami, causaiyucta ruhuasha. Chaita ricushpami, ñucataca Mandac Dios cashcata yachanguichic” ninmi ningui— nirca.

EZEQUIEL 39:22

Chai punzhamantami israelcunaca ñucataca Mandac Dios cashcata yachangacuna.

EZEQUIEL 39:28

Shuctac llactacunaman prezu cachashpapish quipataca tucuita tandachishpami paicunapac llactallapitac causachun churasha. Shina ruhuacpimi, ñucataca Mandac Dios cashcata yachangacuna.

EZEQUIEL 39:29

Ñucaca jaicapi paicunataca mana saquishachu. Ashtahuanpish paicunapica ñuca Espiritutami churasha nini” ninmi ningui» nirca.

JOEL 2:26

Cancunaca mana nictami micunguichic. Cancunata Mandac Dios ñucapac shutitapish “Allimari” cangui, ninguichicmi. Ñucami cancunamanca mai allicunata ruhuasha. Ñuca acllashcacunaca jaicapi mana pingaichishcachu canga.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

JOEL 3:21

Huañuchishpa yahuarta jichashcamantaca ñucami llaquichisha. Mana allita ruhuashcamantaca manatac perdonashachu. ¡Mandac Dios ñucami, Sión urcupica causasha!» ninmi.

SOFONÍAS 3:11

Chai punzhapica ñucata mana cazushpa, jatun tucuc runacunataca cancunapac chaupimantaca anchuchishami. Chaimantami ñucata mana cazushpa, mana allita ruhuashcacunamantaca mana pingai tucunguichic.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

ZACARÍAS 2:9

Mandac Diosca: «Ñuca cancunata piñashpa, llaquichicpica, quiquin serviccunallatacmi ima charishca quichushpa llaquichinga» ninmi. Chashna ruhuacpimi, ñucataca Mandac Dios cachashcata yachanguichic.

NÚMEROS 11:29

Shina nicpimi Moisesca: —Ama ñucata llaquichichu. Tucui gentecuna Diosmanta huillaccuna cashpaca allimi canman. Paicunapi Mandac Dios paipac Espirituta churashca cacpica, allimi canga— nirca.

NÚMEROS 23:21

Jacobopac churi israelcunapica ima juchata mana ricushcanichu. Ima millaitapish mana ricushcanichu. Mandac Diosca paicunahuanmi. Paitaca: “Jatun mandacmi cangui” nishpami caparincuna nirca.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

DEUTERONOMIO 23:14

Mandac Diosmi cancunata ayudashpa, piñaccunata cancunapac maquipi churangapac, carpa huasi chaupipi purin. Chaimantami carpa huasica Diospaclla, shinallatac chuyaclla cana can. Mapa cacpica, Mandac Diosca anchuringami.

1 PEDRO 2:6

Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.