JOB 9:9 - Dios Rimashcata Quillcashcami

⁹ Paimi Osa, Orión, Pléyades shuti lucerocunatapish, ura ladoman cac lucerocunatapish ruhuarca.

JOB 9:9 ပူးပေါင်းရင်းမြစ်များ

GÉNESIS 1:16

Diosca ishcai jatun achicyachiccunatami ruhuarca. Shuc jatun achicyachictaca punzha achicyachichun, uchilla achicyachictaca tuta achicyachichunmi ruhuarca. Shinallatac lucerocunatapish ruhuarcami.

JOB 37:9

Ura ladomantaca tamya huaira, jahua ladomantaca chiri huairami shamun.

SALMOS 104:13

Jahua pachapi cac cambac huasipi tiyarishpami urcucunapi tamyachingui. Cambac tamyahuanmi allpaca sumacta pucushpa jundan.

SALMOS 104:3

Can causana huasitaca yacucuna jahuapimi churashcangui. Puyupimi carretapi shina puringui. Huaira jahuatami puringui.

SALMOS 147:4

Paica lucerocunatapish yupashpami charin. Tucui chaicunataca shutipimi cayan.

AMÓS 5:8

Pléyades, Orión lucerocunatapish ruhuac Mandac Diospacman cuchuyaichic. Paimi tutataca punzhata, punzhataca amsata ruhuan. Paimi mama cucha yacuta cayashpa, allpapi tallin. ¡Paipac shutica Mandac Diosmi!

HECHOS 28:13

Chaimantaca chai llacta cuchu cuchuta rishpami, Regio puebloman chayarcanchic. Chai cayandi punzhaca huichai huaira tiyacpimi, ishcai punzhapica Puteoli puebloman chayarcanchic.