JOB 8:9 - Dios Rimashcata Quillcashcami

⁹ Ñucanchicca cainallamanta cashpami imatapish mana yachanchic. Ñucanchic causaica cai pachapica llandu shinallami.

JOB 8:9 ပူးပေါင်းရင်းမြစ်များ

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

1 CRÓNICAS 29:15

Ñucanchicca cambac ñaupapica tucuimi ñaupa taitacuna shinallatac shuc llactamanta shamushpa, pozashpa causacunchic. Ñucanchic causaica cai pachapica llandu chingaric shina chingarinallami.

2 CRÓNICAS 10:6

Chai quipami jatun mandac Roboamca paipac taita Salomón causacucpi, servishpa causacushca pushac yuyaccunaman yuyaita cuchun mañashpaca: —Cai gentecuna cashna nishcamantaca ¿Ima nishpatac cutichina alli canga?— nirca.

JOB 14:1

Huarmimanta huacharishcaca, asha punzhacunallatacmi causan. Llaquicunataca yallitami charin.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

JOB 32:7

Ñucaca: “Tauca punzhacunata chariccunami yallita rimanga, unai huatata chariccunami yachaccuna canga” yuyarcanimi.

JOB 7:6

Ñuca causaica ahuac runapac lanzaderatapish yallimi callpashpa tucuricun. Chashnami ima shuyanata mana charishpa chingarigricuni.

JOB 8:10

Paicunami cantaca yachachishpa sumacta rimanga. Paicunami ima shina causashcata achcata parlanga.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 102:12

Mandac Dioslla, ashtahuanpish canca, huiñaitami mandashpa tiyacungui. Cantaca huahua huahuami yuyaricunlla.

SALMOS 144:4

Gentecunaca samai shinallami. Paicuna causana punzhacunaca llandu shinallami.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

SALMOS 82:5

Paicunaca imatapish mana yachanchu, imatapish mana entendinchu. Amsa purapimi purincuna. ¡Allpapish tucuimi cuyuricun!

SALMOS 90:4

Canmanca huaranga huatacunaca pasashca caina punzha shinallami. Tutaca asha horas shinallami.