JOB 7:5 - Dios Rimashcata Quillcashcami

⁵ Ñuca cuerpoca curucunahuan, asha allpahuan tapashca shinami. Ñuca aicha carapish millanayaitami ashnacun.

JOB 7:5 ပူးပေါင်းရင်းမြစ်များ

JOB 13:28

Chashnami ñuca cuerpoca ismushca shina tucuricun. Churanata polilla tucuchicuc shinami tucuricun.

JOB 17:14

Ñuca ismushpa tucurinataca: “Canca ñuca taitami cangui” nini. Curucunataca: “Ñuca mama, ñuca panicunami canguichic” nini.

JOB 17:7

Ñuca ñahuicunaca yallita llaquihuan cashpami amsayashca. Tucui ñuca cuerpoca llandu shinallami.

JOB 19:20

Ñuca aicha carapish tullupimi llutarirca. Quiru siquipi tiyac aichallami saquirishca.

JOB 19:26

¡Ñuca aicha ismushpa chingaricpipish, Diostaca ñucallatacmi ricusha!

JOB 24:20

Paicunataca mamapish cungaringami. Curucunami paitaca mishquilliringa. Jaicapi mana yuyaringacunachu. Pitishca yura shinami mana cazuccunaca tucuringa.

JOB 9:31

ñucataca jutcupimi shitangui. Churanacunapish ñuca aichataca millanayachingami.

ISAÍAS 1:6

Chaquimanta umacamanmi chugrishca, punguishca, sisushca canguichic. Cancunapac cuerpoca tucui ungushcallami. Pipish mana jambishca, mana huatachishcami canguichic. Aceiteta churashpapish pi mana chiriyachishcachu.

ISAÍAS 14:11

Canca alli nishca cashpapish, arpacunapi tocac cashpapish Seolmanmi urai shamushcangui. Caipica cambac cama shinaca curucunami. Cutin cata shinaca cuicacunami.

ISAÍAS 66:24

Ñuca ñaupamanta llucshishpa cachashca, ñucata mana cazushpa cariyaccuna huañushpa, siricuctami ricunga. Paicunata micuc curucunaca manatac huañungachu. Paicunata rupachic ninaca manatac huañungachu. Paicunaca tucui gentecunapac ñaupapimi millanayachishca canga» ninmi.

EZEQUIEL 20:43

Chai llactapi causacushpami cancunaca utcapi ima shina causashcata, imata ruhuashpa mapayashcata yuyaringuichic. Shinami cancuna ruhuashca juchacunataca cancunallatac millanguichic.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.