JOB 7:18 - Dios Rimashcata Quillcashcami

¹⁸ ¿Imamantatac tucui tutamanta ricuc shamunguiyari? ¿Runataca ima cacpitac yuyaringuiyari?

JOB 7:18 ပူးပေါင်းရင်းမြစ်များ

GÉNESIS 22:1

Chai quipaca, Diosca Abraham crishcata ricungapac cayashpaca: —Abraham— nirca. Shina cayacpimi Abrahamca: —Caipimi cani— nirca.

JOB 14:3

¿Chashna cashca jahuachu ñahuita ñucapi churashpa juchanchisha ningui?

JOB 23:10

Ashtahuanpish paica, ñuca maita puricpipish tucuimi ricun. Pai ñucata ima shina cashcata ricushpa llaquichicpica, curi shinami ricurisha.

SALMOS 73:14

Ashtahuanpish punzhantami azotishca causani. Tucui tutamantami macashca purini.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 32:34

Cunanca, ñuca maimanmi pusharichun nishcaman israelcunataca pushai. Ashtahuanpish ñuca cachashca angelmi cambac ñaupata pushashpa ringa. Shina cacpipish, taripashpa llaquichina punzha chayamucpimi, paicunapac juchamantaca llaquichisha— nirca.

ISAÍAS 26:14

Paicunaca huañushcami, ña mana causaringachu. Mana jataringachu. Paicunataca yallita llaquichishpami tucuchircangui. Paicunataca pi mana yuyaringachu.

JEREMÍAS 9:7

Chaimantami tucuita Mandac Diosca: «Ñuca llactapi causaccunataca, ¿imatatac ashtahuan ruhuasha? Curita ninapi rupachishpa chuyayachic shinami, paicuna ima shina cacta ricugrini.

DANIEL 12:10

Achcacunami tucui mapata anchuchishpa, yuranlla chuya canga. Cutin Diosta mana manchaccunaca chashnallatacmi Diosta mana manchashpa catingacuna. Paicunapuramanta shucllapish imata mana entendingachu. Ashtahuanpish alli yachaccunaca entendingami.

SOFONÍAS 3:5

Mandac Diosca paicunapac chaupipica cashcata ruhuacmi, ima millaitaca mana ruhuangachu. Paica cada tutamantami cashcata ruhuashpa taripan. Chaita ruhuanataca jaicapi mana cungaringachu. Ashtahuanpish mana allita ruhuac runaca mana pinganchu.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

DEUTERONOMIO 8:16

Shinallatac cancunapac taitacuna mana ricsishca maná shuti micunatami cararca. Cancuna ima shina cashcata ricungapac, cancunapac allipacllatami llaquichirca.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.