JOB 7:14 - Dios Rimashcata Quillcashcami

¹⁴ Shina cacpipish, muscuicunapimi manchachingui. ¡Muscuipi shina ricurishpami yallita manchachingui!

JOB 7:14 ပူးပေါင်းရင်းမြစ်များ

GÉNESIS 41:8

Tutamanta paipac shungupi chai yuyailla cashpami, Egipto llactapi causac jatun yachaccunata cayachun cacharca. Paicuna shamucpica, tucui muscushcatami huillarca. Shina huillacpipish, chai muscushca imata nisha nicushcataca pi mana huillai pudircachu.

JOB 3:26

Alli, sumac causaita, samarinata mana charishcanichu. Ashtahuanpish yuyaita chingachic llaquicunami shamushca» nirca.

JOB 7:13

Ñucaca: “Camapi siririshpami cushicusha camapi samarishpami llaquicunata cungarisha” yuyanimi.

JOB 7:15

Ñuca shungupica sipirishpami, alli caiman yuyanimi. Ñuca causanapac randica huañushpami alli caiman.

JOB 7:4

Camapi siricushpaca: “¿Ima horashi jatarisha?” nicunimi. Ashtahuanpish mana utca achicyanchu. Pacaringacamanmi achca yuyaicunahuan siricuni.

DANIEL 2:1

Jatun mandac Nabucodonosor ishcai huatata mandacushpami muscushpa shungupi llaquilla tucushpa mana sueñui pudirca.

DANIEL 4:2

Jahua pacha Dios ñucaman milagrocunata, pi mana ruhuaipacta ruhuashpa ricuchishcata cancunaman huillana alli cacpimi huillani.

SAN MATEO 27:19

Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.