JOB 6:22 - Dios Rimashcata Quillcashcami

²² ¿Ñucaca: “Cancunapac haciendamanta imata apamui” nircanichu? Mana cashpaca, ¿ñucata quishpichingapac imallatapish cuchun nircanichu?

JOB 6:22 ပူးပေါင်းရင်းမြစ်များ

JOB 42:11

Chai quipami paipac huauquicunapish, panicunapish, tucui ñaupa ricsishcacunapish paihuan micungapac huasiman shamurcacuna. Mandac Dios paita llaquichishcamantami paicunapish llaquishcata ricuchingapac, cushichingapacpish shamurcacuna. Tucui paicunami cullquitapish, curi sortejascunatapish caishuc chaishuc cungapac apamurcacuna.

JOB 6:21

Cunanca cancunapish, chashnallatacmi canguichic. Jatun llaquihuan cacta ricushpaca, mancharinguichicmi.

JOB 6:23

Mana cashpaca: “¿Ñucata piñaccunapac maquimanta cacharichi” nircanichu? Mana cashpaca: “¿Millai gentecunapac maquimanta quishpichichicyari” nircanichu?

HECHOS 20:33

Ñucaca pipac cullquitapish, curitapish, churanatapish mana munarcanichu.

1 SAMUEL 12:3

Cunanpish caipimi cani. Cunan imatac nina cashpapish, mandac Diospac ñaupapi nichiclla. Huagrata cashpa, burrota cashpa maijanmanta quichushca cacpica, ñahui ñahui nichiclla. Maijanta cashpapish yanga juchanchishpa llaquichishca cacpi, mana cashpaca maijanmanta imatapish pacalla japishpa ñahuita huichcac shina mana ima nishpa saquishca cacpica huillaichiclla. Ñucaca cancunaman ima cutichina cacpipish cutichishallami— nirca.