JOB 6:14 - Dios Rimashcata Quillcashcami

¹⁴ Llaquihuan causac runaca tucuita ruhuac Diosta mana manchac cashpapish paihuan apanacuc runata charinmi can.

JOB 6:14 ပူးပေါင်းရင်းမြစ်များ

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

JOB 15:4

Diosta manchanatapish yangalla cashcatami ruhuangui. Diospac ñaupapi mañanatapish mana valichinguichu.

JOB 16:5

Ashtahuanpish ñuca rimashpaca cushichimanmi. Ñuca rimashca cushichishpami cancunapac nanaita samachiman.

JOB 19:21

¡Ñuca ricsishcacunalla ñucata cuyaichicyari! ¡Ñucata cuyaichicyari! Diospac maquimi ñucapi tuparishca.

PROVERBIOS 17:17

Apanacuc runaca tucui causaipimi cuyan. Llaqui punzhacunapica shuc huauqui shinami can.

PROVERBIOS 25:19

Llaqui punzhacunapi cashpa, mana cazuc runa ayudachun shuyanaca quiru paquirishca shina, chaqui quihuishca shinami.

ZACARÍAS 7:9

«Tucuita Mandac Dios ñucaca: “Cashcata ruhuashpa taripanguichic. Tucui mashna cuyanacuichic, llaquinacuichic.

SAN LUCAS 23:40

Shina nicpi, caishuc millai runaca: —Canpish pai shinallatac llaquita apacushpapish, ¿manachu Diosta manchangui?

ROMANOS 12:15

Cushilla caccunahuanca cushicuichic. Huacaccunahuanca huacaichic.

1 CORINTIOS 12:26

Cuerpopi shuc parte llaqui tucucpica, caishuc partecunapish llaquirinmi. Shinallatac shuc parte allita japicpica, tucui partemi cushicun.

2 CORINTIOS 11:29

Maijan ungucpica, ñucapish ungunimi. Maijanta pandachishpa urmachicpica, piñarishpami llaquirini.

GÁLATAS 6:2

Caishuc chaishuc llaquicunata apanata ayudanacushpami, Cristo mandashcataca pactachinguichic.

HEBREOS 13:3

Cancunapish carcelpi cashca shinallatac, carcelpi caccunata yuyaringuichic. Llaquihuan caccunataca cancunapish llaquihuan cashca shina yuyaichic.