JOB 5:7 - Dios Rimashcata Quillcashcami

⁷ Shina cacpipish, rupacuc nina saltashpa huañuc shinami runapish llaqui tucungapac huacharin.

JOB 5:7 ပူးပေါင်းရင်းမြစ်များ

JOB 14:1

Huarmimanta huacharishcaca, asha punzhacunallatacmi causan. Llaquicunataca yallitami charin.

JOB 7:1

Cai pachapi causaccunaca shaicushpami imatapish ruhuashpa causan. Paicunapac punzhacunaca, trabajac runapac punzha tucuric shinami tucurin.

SALMOS 90:10

Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

ECLESIASTÉS 1:8

Ima ruhuaipish shaicuchinmi. Tucui chaicunamantaca pipish mana allita huillanchu. Ñahuica ricunata, Ringrica uyanata mana shaicunchu.

ECLESIASTÉS 2:22

Chai runa inti achicyachicuc cai pachapi uma nanaihuan paipac shungupi shaicucta imatapish ruhuashcamantaca, ¿imatatac japin?

ECLESIASTÉS 2:23

Tucui paipac causai punzhami llaquillata, mana allillata apan. Imata ruhuashcapish paillatatacmi llaquichin. Paipac yuyaica tutapish mana samarinchu. Chaipish yangallami.

JEREMÍAS 20:18

Paipac huicsamantaca, ¿imapactac llucshircani? ¿Mana alli nishpa rimashcata, yalli llaquita, huacaita ricungapac, yallita pingaichishca cangapacchu huacharircani?

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.