JOB 5:4 - Dios Rimashcata Quillcashcami

⁴ Paicunapac huahuacunataca pi mana quishpichingachu. Puebloman yaicuna pungullapitacmi llaquichingacuna. Paicunataca pipish mana ayudangachu.

JOB 5:4 ပူးပေါင်းရင်းမြစ်များ

JOB 1:19

Chaipi cacpimi, shitashca pambamanta sinchi huaira shamushpa, huasi chuscu esquinapi huactashpa, paicunapac jahuapi urmachishpa huañuchirca. Chaita huillangapacmi ñucalla saquirircani— nirca.

JOB 10:7

Canca, ñuca mana juchayuc cashcatapish, cambac maquimanta pi mana quishpichi pudishcatapish canllatacmi yachangui.

JOB 20:10

Paipac huahuacunaca huacchacunamanmi mañangacuna. Paipac maquillahuantacmi pai imata shuhuashcata cutichinga.

JOB 27:14

Paicunapac huahuacunaca espadapi huañungapacllami achcata miraringacuna. Chuchucuc huahuacunapish mana huicsa pactata micungachu.

JOB 8:4

Cambac huahuacunami, paita mana cazushpa juchallishca. Chaimantami paicuna japina cashca shinallatac llaquichishca.

SALMOS 119:155

Canta mana manchaccunaca can mandashcacunataca mana mashcancunachu. Chaimanta paicunaca mana quishpichishcachu canga.

SALMOS 127:5

Huasi junda chashna churicunata charic runaca cushicunmi. Juezcunapac ñaupapi paita piñaccunahuan rimarinacushpapish mana pingaichishcachu canga.

SALMOS 7:2

Paicuna ñucata japishpaca león shinami pitinacunga. Chashna ruhuacpica pipish mana misangachu.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

PROVERBIOS 24:7

Yuyai illac runamanca allita yachaica mana entendipacmi. Tandanacushca gentecunapica, mana rimai pudinchu.

AMÓS 5:12

Ñucaca cancuna yallita mana cazushcatapish, yalli millaita ruhuashcacunatapish, cashcata ruhuac runata llaquichishcatapish, imata pacalla japishcatapish, juezcunapac ñaupapi huacchacuna japinata quichushcatapish yachanimi.

JOSUÉ 20:4

Chai acllashca maijan pueblocunapi huañuchic runa miticushpami pueblo yaicunaman llucshishpa, israelcunata pushac yuyaccunaman, pai imata ruhuashcata huillanga. Chashna huillacpimi, paicunaca pueblo ucuman pushashpa, paicunahuan causachun saquinga.