JOB 5:25 - Dios Rimashcata Quillcashcami

²⁵ Canca achca huahuacunatami charingui. Cambac huahua huahuacunaca pambapi quihua tiyac shinami canga.

JOB 5:25 ပူးပေါင်းရင်းမြစ်များ

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

GÉNESIS 15:5

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

SALMOS 112:2

Paipac huahua huahuacunaca cai pachapica mai jatun nishcami canga. Allita ruhuacpac huahua huahuacunaca bendiciashcami canga.

SALMOS 72:16

Pambacunapipish, jahua urcucunapipish grano tiyachun. Chai muyupish Líbano urcu yuracuna shina tucuchun. Pueblopi causaccunapish quihua sumacta sisac shina cachun.

ISAÍAS 48:19

Cancunapac huahua huahuacunaca tiyu shina achcami canman carca. Cambac huahua huahuacunaca ñuto allpa shina achcami canman carca. Cancunapac shutitaca manatac chingachinmanchu carcani. Ñuca ñaupamantapish mana anchuchimanchu carcani.

LEVÍTICO 26:9

Ñucaca cancunata ayudangapac cutimushpami achcata mirachishpa, ñuca ari nishcatapish cancunahuan pactachisha.

DEUTERONOMIO 28:4

Cancunapac huahuacunapish, cancunapac allpapi pucushcapish, vacacuna mirashcapish, ovejacuna mirashcapish, tucui animalcuna mirashcapish, Mandac Dios bendiciashcami canga.