JOB 5:20 - Dios Rimashcata Quillcashcami

²⁰ Yarcaihuan huañugricucpipish quishpichingami. Jatun macanacuipi espadahuan huañunamantapish quishpichingami.

JOB 5:20 ပူးပေါင်းရင်းမြစ်များ

GÉNESIS 45:7

Cancunapish, cancunapac huahua huahuacunapish causaita charichun, shinallatac cancunata cushicuihuan cacharichichunmi, ñucata ñaupachishpa cacharca.

1 REYES 17:6

Chai cuervo animalcunaca tutamantapish, tandata, aichata chishipish tandata aichatami apamuccuna carca. Yacutapish chai jatun yacumantami ubiac carca.

SALMOS 118:18

Mandac Dios ñucata sinchita llaquichishpapish, mana huañuchun saquircachu.

SALMOS 144:10

Canmi jatun mandaccunatapish macanacuipi mishachingui. Canmi canta servic Davidtaca espadapi huañunamanta quishpichircangui.

SALMOS 27:3

Achca soldadocuna ñucata muyunacushpa shamucpipish, ñuca shunguca mana manchangachu. Ñucata huañuchingapac jatun macanacuita ruhuacpipish Paipimi shunguta churasha.

SALMOS 33:19

Huañuimanta almata quishpichishpa, yarcai punzhacunapi micunata cushpa causaita cungapacmi chashnaca ricucun.

SALMOS 37:19

Mana alli punzhacunapica mana pingaichishcachu canga. Yarcai punzhacunapipish mana nictami micungacuna.

SALMOS 49:7

Shina cashpapish chai charishcahuanca pita mana quishpichi pudinchu. Shinallatac paipish Diosman imata cushpa mana quishpiri pudinchu.

PROVERBIOS 10:3

Mandac Diosca cashcata ruhuactaca mana yarcaipi saquinchu. Ashtahuanpish Diosta mana manchaccunataca paicuna munashcahuan mana sacsachun saquinchu.

ISAÍAS 33:16

mana manchashpa causanga. Paita jarcac rumica jatun torrecunami canga. Paimanca micunapish, yacupish mana illangachu.

JEREMÍAS 37:21

Shina nicpimi, jatun mandac Sedequiasca Jeremiasta cárcel canzha pambapi churashpa cuidachun, shinallatac chai llactapi tucui tanda tucuringacaman callepi ruhuashca tandata apamushpa punzhanta carachun mandarca. Shinami Jeremiasca cárcel canzha pambapi tiyacurca.

JEREMÍAS 39:18

Cantaca mana espadahuan huañuchingachu. Ashtahuanpish ñucallatacmi cantaca paicunamanta quichuc shina quishpichisha. Ñucata yuyashpa causacushcamantami cantaca quishpichisha. Chaitaca Mandac Dios ñucami nini” ninmi ningui» nirca.

OSEAS 13:14

Paicunataca, ¿Seolman rinamanta anchuchishachu? ¿Huañuimanta quishpichishachu? Ñuca anchuchingapacca, ¿maipitac huañuica? Ñuca canta tucuchingapac, ¿maipitac Seolca? Cai runacunataca mana llaquinichu.

HABACUC 3:17

Higo yuracuna mana sisacpipish, uvas yuracunapi grano mana tiyacpipish, olivos mana pucucpipish, allpacuna mana cucpipish, oveja manada mana tiyacpipish, vacacuna corralpi mana tiyacpipish,

SAN MATEO 24:6

Cancunaca quiquin llactapipish, caru llactapipish jatun macanacuitami uyanguichicmi. Chaita uyashpapish, ama mancharinguichicchu. Chashna llaquicunaca tiyangallatacmi. Ashtahuanpish cai pachaca manarac tucuringachu.