JOB 5:11 - Dios Rimashcata Quillcashcami

¹¹ Yangalla runacunataca jatun alli nishcatami ruhuan. Manchailla causaccunamanca cushilla causaitami cun.

JOB 5:11 ပူးပေါင်းရင်းမြစ်များ

JOB 22:29

Jatun tucushcacunaca, pingaichishcami canga. Yangalla caccunataca Diosmi jatunyachinga.

JOB 36:7

Cashcata ruhuaccunataca cuidanmi. Jatun mandaccunahuan tiyarinapi tiyachishpami, huiñaipac jatunyachin.

JOB 8:7

Can utcapi ashallata charishca cashpapish quipa punzhapica ashtahuanmi charingui.

SALMOS 107:41

Shina cacpipish, huacchacunata llaquimanta llucchishpami, paicunapac familiatapish oveja corral shinata mirachin.

SALMOS 113:7

Huaccha runataca ñuto allpamantami jatarichin. Imata mana charic runatapish, yangapi cashcamantami llucchin.

SALMOS 91:14

Sumac Diosca: «Paitaca ñucata cuyashcamantami quishpichisha. Ñuca shutita ricsishcamantami ashtahuan jahuapi churasha.

EZEQUIEL 17:24

Mandac Dios ñuca jatun yurata urmachishpa, uchilla yurata jatunyachic cashcatapish, verdinlla yuracunata chaquichishpa, chaquishca yurata verdiyachic cashcatapishmi shuctac yuracunaca yachanga. Chaitaca Mandac Dios ñucami nini. Chaitaca pactachishatacmi” ninmi ningui» nirca.

SAN LUCAS 6:21

¡Cunan yarcaihuan caccunaca cushicuichic! Mana nictami micunguichic. ¡Cunan huacaccunaca cushicuichic! Cushicushpa asinguichicmi.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

SANTIAGO 1:9

Maijan cric imata mana charishpapish, Dios jatunyachina cashcamantaca cushillami cana can.

1 PEDRO 1:3

¡Ñucanchic Apunchic Jesucristopac Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana cuyaimanta Jesucristota causachishpa, ñucanchictaca cutin huacharishca shinata ruhuarca.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.