JOB 42:6 - Dios Rimashcata Quillcashcami

⁶ Chaimantami yallita llaquirishpa, ñuto allpapi, uchupapi tiyarini» nirca.

JOB 42:6 ပူးပေါင်းရင်းမြစ်များ

GÉNESIS 18:27

Shina nicpimi Abrahamca: —Riqui, ñucaca ñuto allpa shina, uchupa shina cashpapish ñucata Mandac Dios-huanmi parlai callarini.

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

ESDRAS 9:6

mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

JOB 2:8

Shina ruhuacpimi, Jobca uchupapi tiyarishpa, callana paquishcahuan aspiricurcalla.

JOB 30:19

Diosca turupimi ñucataca urmachirca. Ñuto allpa, uchupa shinami cani.

JOB 42:5

Can rimashcataca ñuca ringrillahuanmi uyarcani. Shina cacpipish cunanca ñuca ñahuihuantacmi ricuni.

JOB 42:7

Mandac Dios Jobta tucuita rimashca quipami, temanitapuramanta Elifazta rimashpaca: «Cancunaca ñucata servic Job shina ñucamantaca mana allichu huillacunguichic. Chaimantami canhuanpish, caishuc ishcai runacunahuanpish yallita piñarini.

JOB 9:31

ñucataca jutcupimi shitangui. Churanacunapish ñuca aichataca millanayachingami.

SALMOS 51:17

Can Diosca animalta chasquinapac randica shungu paquirishcatami chasquingui. Dioslla, shungumanta llaquirishpa cambacman cuchuyactaca mana piñanguichu.

ISAÍAS 5:5

Cunanca ñuca uvas chagrata imata ruhuagricushcatami huillagrini. Pipish chagrata tucuchichunmi muyundi jarcashcata urmachigrini. Pipish yaicushpa sarunacuchunmi pircatapish urmachigrini.

ISAÍAS 58:5

¿Shuc punzha ayunashpa llaquirichunchu acllarcani? ¿Carrizo shina cumurishpa, sharpa churanata churarishpa, uchupapi siririnachu cancunapac ayuno? ¿Cancunaca: “Chashna ayunashpami Mandac Diosta cushichinchic” ninguichicchari?

JEREMÍAS 31:19

Canmanta caruyashca quipaca yallitami llaquirini. Ñucaca mana allita ruhuashcata yuyarishpami shungupi huactarircani. Huambrarac cashpa juchata ruhuashcamantami yallita pingaihuan cani. Chaitaca manatac cungarishachu” nishpa, huacactami uyarcani.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

EZEQUIEL 20:43

Chai llactapi causacushpami cancunaca utcapi ima shina causashcata, imata ruhuashpa mapayashcata yuyaringuichic. Shinami cancuna ruhuashca juchacunataca cancunallatac millanguichic.

EZEQUIEL 36:31

Chaimantami cancunaca mana alli causashcatapish, millana juchacunata ruhuashcatapish yuyarishpa, cancunallatac pingaringuichic.

EZEQUIEL 6:9

Cancunapuramanta mana huañushpa saquiriccunaca shuctac llactacunapi prezu causacushpami, paicunapac shungupi huainayac shina, ruhuashcalla dioscunata paicunapac shungupi munashpa, ñucamanta anchuringa. Chaimantami ñuca ima shina llaquichishcata yuyaringa. Paicuna millana juchacunata ruhuashcata yuyarishpaca, yallita pingangami.

DANIEL 9:3

Chaimantami Mandac Diospacman cutirishpa, ayunashpa, sharpa churanata churarishpa, uchupata tallirishpa, paita yallita mañarcani.

LEVÍTICO 13:12

Ashtahuanpish chai ungushca runa umamanta chaquicaman caracharishca cacpica, curapish ricui pudingami.

SAN MATEO 11:21

«¡Aij, Corazín pueblolla, Betsaida pueblolla! Cancunapac pueblocunapi ruhuashca shinata Tiro pueblopi, Sidón pueblopi ruhuashca cacpica, llaquirishpa, sharpa churanata churarishpa, uchupahuan cahuirishpa, Diosman cutirinmanmi carca.

SAN LUCAS 10:13

¡Aij, Corazín pueblolla! ¡Betsaida pueblolla, imachari tucunguichic! Cai pueblocunapi ruhuashca milagrocunata Tiro pueblopi, Sidón pueblopi ñuca ruhuashca cacpica, paicunaca sharpa churanata churarishpa, uchupapi tiyarishpa, llaquirishpa Diosman cutirinmanmi carca.

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.