JOB 42:10 - Dios Rimashcata Quillcashcami

¹⁰ Job paipac ricsishca quimsa runacunamanta mañashca quipami Mandac Diosca paimanca ñaupa charishcamanta ishcai cutinhuan yallita bendiciarca.

JOB 42:10 ပူးပေါင်းရင်းမြစ်များ

GÉNESIS 20:17

Chaimantami Abrahamca Abimelecmantapish, paipac huarmimantapish, paita servic huarmicunamantapish Diosta mañarca. Chashna mañacpica alliyarcami, shinallatac huarmicunaca cutinllatac huahuacunayuc tucurcami.

2 CRÓNICAS 25:9

Shina nicpi, Amasiasca Mandac Diospac runataca: —Patsac talento cullquita Israel soldadocunaman cushcataca, ¿imatatac ruhuasha?— nirca. Shina nicpimi, Mandac Diospac runaca: —Mandac Diosca chaitapish yallitami cunata pudin— nirca.

JOB 1:2

Paica canchis churita, quimsa ushitami charirca.

JOB 1:3

Paipac haciendapica canchis huaranga ovejacunata, quimsa huaranga camellocunata, pichca patsac yunta huagracunata, pichca patsac burrocunata shinallatac achca serviccunatami charirca. Inti llucshina ladopi causaccunapurapica paimi tucuita yalli chayuc carca.

JOB 42:9

Shina nicpimi, temanitapuramanta Elifazpish, suhitapuramanta Bildadpish, namatitapuramanta Zofarpish Mandac Dios mandashca shina ruhuarca. Chaimantami Mandac Diosca Job mañashcata uyarca.

SALMOS 126:1

Mandac Dios prezucunata Sionman cutichimucpica, muscushca shinami carca.

SALMOS 14:7

¡Israelcunata quishpichicca Sionmanta shamushpachari alli canman! Mandac Diosca, pai acllashca israelcunapuramanta prezu apashcacunata cutichimushpami alli canman. Chaipica Jacobopac tucui huahua huahua israelcunami cushicunga.

SALMOS 53:6

¡Israelcunata quishpichingapacca Sionmanta shamushca canmanlla! Dios pai acllashcacunata prezu cashcamanta cutichimucpica, Jacobopac huahua tucui israelcunami yallita cushicunga.

PROVERBIOS 22:4

Mandac Diosta manchashpa, mana jatun tucushpa causashpaca chayucyancunami, alli nishcapish tucuncunami. Shinallatac causaitapish charinmi.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

HAGEO 2:8

Curipish, cullquipish ñucapacmi. Chaitaca imatapish ruhuac Mandac Dios ñucami nini.

NÚMEROS 12:13

Shina nicpimi Moisesca: «¡Mandac Dioslla, Mariataca cunanllatac allichiyari!» nishpa caparishpa mañarca.

NÚMEROS 12:2

Paicunaca: «¿Mandac Diosca Moisesllahuanchu rimarca? ¿Manachu ñucanchic-huanpish rimarca?» nirca. Chaitaca Mandac Diosca uyarcami.

NÚMEROS 14:10

Ashtahuanpish israelcunaca rumihuan shitanatami munarca. Chaimantami Dios-huan tupana huasipi pai sumaimana achiclla cashcaca tucui israelcunaman ricurirca.

SAN LUCAS 16:27

Chashna nicpimi, chai chayuc runaca: “Taita Abrahamlla, shinashpaca Lazarota ñuca taitapac huasiman cachashpa cui.

HECHOS 7:50

Ñucallatacmi tucui tiyashcatapish ruhuarcani” ninmi.

HECHOS 7:60

Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

DEUTERONOMIO 30:3

Mandac Diospish prezumanta cutichimungami. Chashnami Mandac Diosca llaquishpa, mai llactacunaman pai llucchishpa cachashca cashpapish cutinllatac tandachimunga.

DEUTERONOMIO 8:18

Chaipac randica Mandac Diosta yuyaringuichic. Paimi cunan shina, cancunapac ñaupa taitacunahuan ari nishcata pactachingapac imatapish achcata charichun, fuerzata cancunamanca curca.

DEUTERONOMIO 9:20

Shinallatac Aaronhuanpish Mandac Diosca yallita piñarishpami, paitapish tucuchigrirca. Paimantapish chai punzhapica mañarcanimi.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.

1 SAMUEL 2:7

Mandac Diosmi huacchatapish, charictapish ruhuan. Paimi yangallatapish, alli nishcatapish ruhuan.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.