JOB 40:4 - Dios Rimashcata Quillcashcami

⁴ «Mandac Dioslla, ñucaca imapish mana canichu. ¿Imatatac cantaca nishayari? Chaipac randica ñuca maquihuanmi shimita jarcarini.

JOB 40:4 ပူးပေါင်းရင်းမြစ်များ

GÉNESIS 18:27

Shina nicpimi Abrahamca: —Riqui, ñucaca ñuto allpa shina, uchupa shina cashpapish ñucata Mandac Dios-huanmi parlai callarini.

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

2 SAMUEL 24:10

Chai gentecunata David yupachishpaca, mana allita ruhuashcatami paipac shungupimi sintirca. Chaimantami Davidca Mandac Diostaca: —Caita ruhuashpaca yallitami juchallishcani. Caitaca yuyai illac shinami ruhuashcani. Cunanca, Mandac Diosllatac canta servic ñucamanta cai juchata anchuchiyari— nirca.

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

ESDRAS 9:6

mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

NEHEMÍAS 9:33

Canca imatapish cashcata ruhuashpami, ñucanchictaca llaquichircangui. Canca imatapish allitami ruhuarcangui. Ñucanchicca mana allitami ruhuarcanchic.

JOB 16:21

¡Runa paipac ricsishcahuan rimaric shina Dios-huan rimari pudishpachari alli canman!

JOB 21:5

Ñucata ricushpa mancharishpa saquirichicyari. Shimita maquihuan tapaichicyari.

JOB 29:9

Mandaccunaca mana rimaricchu carca. Maquihuanmi shimita tapariccuna carca.

JOB 31:37

Ñuca imalla ruhuashcacunataca, shuc mandac shinami paipac ñaupapi tucuiman huillaiman.

JOB 37:19

Paita imata ninataca ñucanchicta yachachiyari. Ñucanchicca amsapi shina causacushpami ima alli yuyaitapish mana charinchic.

JOB 40:3

Chaimantami Jobca Mandac Diostaca:

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

SALMOS 39:9

Canllatac ñucata llaquichishcamantami mana rimashpa upalla saquirini.

PROVERBIOS 30:32

Yuyai illac shina jatun tucushca cashpa, mana cashpaca pitapish llaquichinata yuyarishca cashpaca, shimipi maquita churashpa jarcarichun.

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

LAMENTACIONES 3:29

Cumurishpa umata pambapi tupachichun. Chaipica quishpiringapishchari.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

DANIEL 9:5

Ñucanchicca juchallishcanchicmi, millaita ruhuashcanchicmi, canta mana cazushpa cariyashcanchicmi. Mandashcacunatapish, mandashpa quillcashcacunatapish saquishcanchicmi.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

LEVÍTICO 13:12

Ashtahuanpish chai ungushca runa umamanta chaquicaman caracharishca cacpica, curapish ricui pudingami.

MIQUEAS 7:16

Llactacunapi causaccunaca tucui chai sumaccunata ricushpami, yallita pingashpa, maquihuan shimita tapashpa, ringripish mana uyaccuna tucunga.

HABACUC 2:20

Ashtahuanpish Mandac Diosca paipaclla chicanyachishca huasipimi causan. ¡Cai pachapi tucui causaccuna paipac ñaupapi upalla caichic!

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!

SAN LUCAS 18:13

Ashtahuanpish impuestota japic runaca carupi shayashpami, mana huichailla ricushpa, shungupi huactarishpa: “Dioslla, ñucaca juchasapami cani. Ñucata llaquiyari” nicurca.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

1 TIMOTEO 1:15

Jesucristoca juchayuccunata quishpichingapacca cai pachamanmi shamurca. Cai huillashcaca chashnatac cashcamantami tucui mashna crina canchic. Juchayuccunamanta nishpaca, ñucami punta yalli juchayucca cani.

JUECES 18:19

Shina nicpimi paicunaca: —¡Cambac shimita maquihuan jarcarishpa upallai! Ñucanchic taita shina, cura cangapac ñucanchic-huan jacu. ¿Canmanca shuc runapac huasillapi, mana cashpaca shuc aillupac, mana cashpaca Israel aillupac cura canachu alli?— nircacuna.