JOB 4:3 - Dios Rimashcata Quillcashcami

³ Canca achcacunatami yachachic carcangui. Ima ruhuanata mana pudictaca sinchiyachicmi carcangui.

JOB 4:3 ပူးပေါင်းရင်းမြစ်များ

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

ESDRAS 6:22

Levadura illac tandata micuna jatun fiestataca canchis punzhatami yallita cushicushpa ruhuarcacuna. Mandac Dios paicunata cushichishcamanta, Asiria llactata jatun mandacta, Diosllatac yuyaita cushpa israelcunapac Diospac huasita ruhuanata mana jarcashcamantami chashna cushicurca.

JOB 16:5

Ashtahuanpish ñuca rimashpaca cushichimanmi. Ñuca rimashca cushichishpami cancunapac nanaita samachiman.

JOB 29:11

Pipish ñucamanta uyashpaca: “¡Allimi cangui!” nicmi carca. Ñucata ricuccunaca ñuca ima shina cashcatami huillaccuna carca.

JOB 29:15

Ñucaca ñahui mana ricucpacca ñahui shinami carcani. Suchupacca chaqui shinami carcani.

JOB 29:16

Imata mana chariccunapacca taita shinami carcani. Imata mana yachaccunamantaca ñucami rimac carca.

JOB 29:21

Ñuca rimashcacunatapish, cunashcacunatapish, upallami uyaccuna carca.

JOB 4:4

Pandaric runatapish sumacta rimashpami allichic carcangui. Changa mucucuna quihuiricucpipish, sinchiyachicmi carcangui.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 16:21

Shungupi yuyaisapa runaca entendic runa nishcami canga. Sumacta rimashcaca ashtahuanmi yachachin.

ISAÍAS 35:3

Irquiyashca maquicunatapish, mucucunatapish sinchiyachichic.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

EZEQUIEL 13:22

Ñuca manapish llaquichishca, cashcata ruhuac runatami llullashpa llaquichircanguichic. Ñucata mana manchac runacuna millaita ruhuanata ama saquichunmi yuyaita cushpa, sinchiyachircanguichic.

SOFONÍAS 3:16

Chai punzhapica Jerusalenpi causaccunataca: “¡Sión llactalla, ama manchaichicchu, cancunapac maquipish ama fuerza illac saquirichun!” ningami.

SAN LUCAS 22:32

Chashna cacpipish, can sinchi cric cachunmi ñucaca Diosta mañarcani. Can ñucaman cutirishpaca, ñucata caticcunamanpish ñucata catichun alli yuyaita cungui— nirca.

SAN LUCAS 22:43

Chashna mañacucpimi, jahua pachamanta ángel shamushpa sinchiyachirca.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

DEUTERONOMIO 3:28

Ashtahuanpish Josueta cushichishpa sinchiyachishpa cachai. Paimi israelcunapac ñaupata rishpa, can ricugricuc llactata cunga” nirca.

COLOSENSES 4:6

Cancuna shuccunahuan parlanacushpapish, uyanalla sumac rimaicunahuan parlaichic. Paicuna imata tapucpipish, allita cutichinata yuyaichic.

HEBREOS 12:12

Chaimanta shaicushca rigracunatapish, mucucunatapish cuyuchic shina sinchiyaichic.