JOB 4:20 - Dios Rimashcata Quillcashcami

²⁰ Paicunaca tutamanta alli cashpapish, chishipacca tucurincunallami. Chashna cashcamantami pipish mana yuyarishca huiñaita tucuringalla.

JOB 4:20 ပူးပေါင်းရင်းမြစ်များ

2 CRÓNICAS 15:6

Shuctac llacta gentecunaca chaishuc llacta gentecunatami huañuchirca. Shuc pueblopi causaccunaca chaishuc pueblopi causaccunatami huañuchirca. Tucuilaya llaquicunata Mandac Diosllatac cachacpimi, chashna tucurca.

2 CRÓNICAS 21:20

Paica quimsa chunga ishcai huatata charishpami, mandai callarirca. Paica pusac huatatami Jerusalenpi mandarca. Pai huañucpica, pi mana huacarcachu. Paitaca Davidpac pueblopimi enterrarca. Shina cashpapish, jatun mandaccuna enterrana jutcupica mana enterrarcachu.

JOB 14:14

¿Shuc runa huañushpaca causaringachu? Tucui ñuca causai punzhacunami quishpirina chayamunata shuyacushalla.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

JOB 14:20

Runataca huiñaitami chingachingui. Runataca chingachinguimi. Huañucpica shuc punzhacaman nishpami cachangui.

JOB 16:22

Ñuca mana ashtahuan cutina ñanta japishpa ringapacca asha huatacunallami tiyan.

JOB 18:17

Paica cai pachapica chingarishcami canga. Paipac shutipish cai llactapica cungarishcami canga.

JOB 20:7

pai huanurishca mapa shinami huiñaita chingaringa. Chaita ricushpaca: “¿Paica imatac tucushca?” ningami.

SALMOS 37:36

Shina cashpapish, paica chingarishpa ña mana ricurircachu. Paita mashcashpapish mana tarircanichu.

SALMOS 39:13

Ama ashtahuan ñucata piñarishpa chapaichu. Ñucaca cushicuitami japisha. Causaitaca amarac quichuichu» nircani.

SALMOS 92:7

Diosta mana manchaccuna quihua shina huiñashca cashpapish, millaita ruhuaccuna, yura sumacta sisac shina cashpapish, huiñaita chingaringapacmi cancuna.

PROVERBIOS 10:7

Cashcata ruhuac runapac shutica yuyarishcami canga, ashtahuanpish Diosta mana manchaccunapac shutica ismuc shinami chingaringa.