JOB 4:14 - Dios Rimashcata Quillcashcami

¹⁴ Ñucataca manchai, chucchuimi japirca, tucui ñuca tullucunacamanmi cuyurirca.

JOB 4:14 ပူးပေါင်းရင်းမြစ်များ

JOB 33:19

Maijantaca sinchi ungüihuan, maijantaca tullucunapi mana anchuric nanaihuanmi llaquichin.

JOB 4:13

Tuta ima yuyaicunapish yallita shamucpi, tuta runacuna yallita sueñunayachishpa sueñucucpi, shinami uyarcani.

JOB 4:15

Ñuca ñaupata huaira shina alma pasacpimi, ñuca cuerpo millmacunapish shayarirca.

JOB 7:14

Shina cacpipish, muscuicunapimi manchachingui. ¡Muscuipi shina ricurishpami yallita manchachingui!

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

DANIEL 10:11

Shina ruhuashpaca: “Yallita cuyashca Daniel, ñuca rimashcata alli uyangui. Cunanmi canta ricuchun cacharca. Chaimanta shayari” nirca. Pai ñucahuan rimacucllapitacmi ñucaca chucchushpa shayarircani.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

SAN LUCAS 1:12

Chaita Zacarías ricushpaca, manchaihuan imata mana nishpa, upalla saquirirca.

SAN LUCAS 1:29

María angelta ricushpa mancharircami. Paipac shungupica, “¿cai rimashcacunaca imatatac nisha nin?” nishpami yuyacurca.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca: «Ama mancharichu. Ñucami callarichicpish, tucuchicpish cani.