JOB 38:13 - Dios Rimashcata Quillcashcami

¹³ ¿Canchu achicyachictaca tucui allpata achicyachishpa, Diosta mana manchaccunata maita cachachun ricuchircangui?

JOB 38:13 ပူးပေါင်းရင်းမြစ်များ

JOB 28:24

Paica cai pacha maicaman cashcata, tucui chaipi tiyaccunata jahua pachamanta ricuc cashcamantami yachan.

JOB 34:25

Diosca tucui millaita ruhuashcata ricushpaca shuc tutallami tucuita llaquichinga.

JOB 34:26

Tucuipac ñaupapimi mana allita ruhuaccunataca chugrichinga.

JOB 36:6

Paita mana manchacmanca mana causaita cunchu. Ashtahuanpish llaquihuan caccunamanca paicuna japina cashcatami cun.

JOB 37:3

Jahua pacha ucutami relampata cacharin. Chai achic nishcaca tucui cai pachatami achicyachin.

JOB 38:12

¿Can causacushca punzhacunapica shuc cutinllapish achicyachichun mandarcanguichu? ¿Mana cashpaca, mai ladota achicyamunataca ricuchircanguichu?

JOB 38:14

Allpaca sellota churashpa sumacta ruhuashca shinami sumac ricurin. Sumacta churarishca shinami saquirin.

SALMOS 104:35

Juchata ruhuaccunaca cai pachamanta chingachishca cachun. Diosta mana manchaccunaca tucuchishca cachun. ¡Ñuca almalla, Mandac Diosta alli niyari! ¡Mandac Diostaca alli alabaiyari!

ÉXODO 14:27

Chaimantami Moisesca maquita cucha jahuata chutarca. Shina chutacpimi, pacaricucpi yacuca cutishpa, Egipto runacuna atishpa ricucpipish, tucui taparca. Chashnami Mandac Diosca Egipto runacunata chaupi yacupi ucuyachirca.