JOB 38:12 - Dios Rimashcata Quillcashcami

¹² ¿Can causacushca punzhacunapica shuc cutinllapish achicyachichun mandarcanguichu? ¿Mana cashpaca, mai ladota achicyamunataca ricuchircanguichu?

JOB 38:12 ပူးပေါင်းရင်းမြစ်များ

GÉNESIS 1:5

Chai achictaca «Punzha» nishpami shutichirca. Shinallatac purataca «Tuta» nishpami shutichirca. Chashnami chishiyashpa punta punzha tucurca. Chashnami callari punzhaca saquirirca.

JOB 15:7

¿Canchu Adanpac punta huacharircangui? ¿Urcucuna manarac tiyacpichu canca ña tiyarcangui?

JOB 24:16

Shuhuacca tutayacpimi shuhuangapac huasipi yaicun. Punzhaca ucupimi huichcarin. Achictaca mana munanchu.

JOB 38:11

Chaimantaca: “Caicamanllami chayana cangui. Caimantaca jatun huaj nicuc yacuca mana pasangachu” nircanimi.

JOB 38:13

¿Canchu achicyachictaca tucui allpata achicyachishpa, Diosta mana manchaccunata maita cachachun ricuchircangui?

JOB 38:21

¡Chaitaca tucuitachari yachanguiyari! ¡Chaipacca ñachari huacharircangui! ¡Chaipacca ñachari unai huatacunata causarcangui!

JOB 38:4

¿Ñuca cai pachata ruhuacucpica, maipitac carcangui? Allita entendic cashpaca huillaiyari.

JOB 8:9

Ñucanchicca cainallamanta cashpami imatapish mana yachanchic. Ñucanchic causaica cai pachapica llandu shinallami.

SALMOS 74:16

Punzhapish, tutapish cambacmi. Intitapish, quillatapish canmi churarcangui.

AMÓS 5:8

Pléyades, Orión lucerocunatapish ruhuac Mandac Diospacman cuchuyaichic. Paimi tutataca punzhata, punzhataca amsata ruhuan. Paimi mama cucha yacuta cayashpa, allpapi tallin. ¡Paipac shutica Mandac Diosmi!

SAN LUCAS 1:78

Ñucanchic Diosca, pai cuyashcamantami, tutamanta inti achicyamucuc shina, quishpirinata jahua pachamanta cachanga.

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.