JOB 38:11 - Dios Rimashcata Quillcashcami

¹¹ Chaimantaca: “Caicamanllami chayana cangui. Caimantaca jatun huaj nicuc yacuca mana pasangachu” nircanimi.

JOB 38:11 ပူးပေါင်းရင်းမြစ်များ

1 REYES 13:28

Chai burropi rishpami, Diospaclla runataca ñanpi huañushca siricucta tarirca. Shinallatac burropish, leonpish chai huañushcapac ladollapimi shayacushca carca. Leonca huañuchishpapish mana micushcachu carca. Burrotapish mana imata ruhuashcachu carca.

JOB 1:22

Chai tucui llaquicuna shamucpipish, Jobca mana juchata ruhuarcachu. Diostapish mana juchanchircachu.

JOB 2:6

Shina nicpi, Mandac Diosca Satanastaca: —Riqui, paica cambac maquipimi. Shina cacpipish paipac causaipica ama tuparinguichu— nirca.

JOB 26:10

Paimi achic-huan, amsahuan tucuringacaman, maicaman yacu tiyanatapish linderota churarca.

JOB 38:10

Chaimanta maimanpish ama llucshichunmi pungucunata churashpa llavercani.

JOB 38:12

¿Can causacushca punzhacunapica shuc cutinllapish achicyachichun mandarcanguichu? ¿Mana cashpaca, mai ladota achicyamunataca ricuchircanguichu?

SALMOS 104:9

Maicaman can churashca pushtumantaca mana pasangachu. Allpatapish mana cutin tapangachu.

SALMOS 124:5

Chai manchana yacu jatarishpami, ñucanchic jahuata pasanman carca» nichicyari.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

SALMOS 89:9

Piñarishca mama cuchatapish canmi mandangui. Yacu jatarishpa huaj nicuctapish canmi casillata ruhuangui.

PROVERBIOS 8:29

Mama cucha yacu maiman richun, mandacucpipish chaipimi carcani. Cai pacha callari rumicunata churacucpipish chaipimi carcani.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

JEREMÍAS 5:22

¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.