JOB 37:5 - Dios Rimashcata Quillcashcami

⁵ Diosca sumaimanatami tulun nic shina riman. Paica ñucanchic mana entendipac sumaimanacunatami ruhuan.

JOB 37:5 ပူးပေါင်းရင်းမြစ်များ

JOB 11:7

¿Canca Diospac pacashca yuyaicunataca yachai pudinguichu? ¿Tucuita ruhuac Dios ima shina cashcataca entendinguichu?

JOB 26:14

Cai ruhuashcacunaca callari ruhuaicunallami. ¡Paimantaca asha ashallatami uyanchic! Paipac jatun podertaca ¿pitac alli yachai pudinga?» nirca.

JOB 36:26

Riqui, Diosca mai jatunmi. Ñucanchicca mana ricsi pudinchicchu. Paipac huatacunatapish mana yupai pudinchicchu.

JOB 37:14

Job, caita alli uyai. Dios cai sumaimanacunata ruhuashcataca allita yuyariyari.

JOB 37:16

¿Canca shuctac shuctac puyucuna tiyashcataca yachanguichu? ¿Tucuita yachac Dios cai sumaimanacunata ima shina ruhuashcatapish yachanguichu?

JOB 37:2

Pai tulun nic shina rimashcata, paipac shimimanta llucshishca sinchi rimaicunata uyaichicyari.

JOB 37:4

Chai relampa tulun nishca quipaca paipac rimashcami uyarin. Pai rimashca uyaricpica relampa achic nicucpish mana jarcarinchu.

JOB 40:9

¿Canca, ñuca shinachu sinchi rigrayuc cangui? ¿Can rimashcaca ñuca rimashca shinachu culun nishpa uyarin?

JOB 5:9

Paica pipish mana ruhuaipac mancharinacunata, shinallatac mana yupaipac sumaimanacunatami ruhuan.

JOB 9:10

Paimi pipish mana yachai pudipac mancharinacunata, mana yupaipac sumaimanacunata ruhuan.

SALMOS 18:14

Piñaccunataca paipac rayohuanmi caita chaita callpachirca. Paipac relampahuanmi paicunataca tucuchirca.

SALMOS 29:3

¡Mandac Dios rimashcaca yacu jahuapimi uyarin! ¡Sumaimana Mandac Dios rimashcaca manchana yacu jahuapimari tulun nishpa uyaricun!

ECLESIASTÉS 3:11

Diosca tucui imatapish ruhuana punzhallapitacmi sumacta ruhuashca. Shinallatac cai pachapi causaccunapac shungupica huiñaita causachunmi churarca. Shina cacpipish, gentecunaca callarimanta tucuricaman Dios imata ruhuashcataca mana entendinchu.

ISAÍAS 40:28

Huiñaita causac Diosca Mandac Diosmi. Chaitaca, ¿manachu yacharcanguichic? ¿Manachu uyashcanguichic? Paimi tucui cai pachataca ruhuarca. Paica mana shaicunchu, mana fuerza illac saquirinchu. Paipac yuyaitaca pi mana yachai pudinchu.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.