9 Chashna cashpami paica: “Runaca Diospac munaita ruhuashpaca, ima allita mana japinchu” nirca.
‘Millaita ruhuac runaca llaqui punzhapica mana ima tucungachu. Dios piñaric punzhaca huacaichishcami canga’ nishcataca, ¿manachu yuyaringuichic?
Paicunaca Diostaca: “Ñucanchicmanta anchuri” nicmi carca. Tucuita ruhuac Diosca ñucanchicmantaca, ¿Imatatac ruhuai pudinga? nircami.
Can cashcata ruhuac cashcamantaca, ¿tucuita ruhuac Diosca cushicungachu? Can ima pandata mana ruhuac cashcamantaca, ¿ima allita japingachu?
¿Tucuita ruhuac Diosmantaca cushicuita charingachu? ¿Punzhanta Diosta mañai pudingachu?
Ashtahuanpish canca: “¿Ñuca mana juchallishpaca imatatac japishayari?” nircanguimi.
Mandac Dios-huan cushicuilla. Paica cambac shungu munashcata cungallami.
Shuhuac ricuricpica, sumactami chasquingui. Huainayaccunahuanmi pacta puringui.
¡Yangallami chuya shungu tucushpa, ñuca maquicunapish chuya cashcani!
Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.
Shinallatac: “Yangami Diostaca servishpa causanchic. Pai mandashcacunata pactachishpa, pai tucuita Mandac Diospac ñaupapi llaquilla purishpaca, ¿ima allitatac japinchic?