JOB 32:8 - Dios Rimashcata Quillcashcami

⁸ Runataca paipi tiyac espiritumi yachachin. Tucuita ruhuac Diospac samaimi alli yuyaita cun.

JOB 32:8 ပူးပေါင်းရင်းမြစ်များ

GÉNESIS 41:38

Chaimantami Faraonca paita serviccunataca: —¿Diospac Espirituhuan cac cai shina runataca maipi tarishunchu?— nirca.

GÉNESIS 41:39

Shina nishpami, Faraonca Josetaca: —Tucui caicunataca Diosmi canmanca yachachishca, can shina yachac yuyaisapa runaca maipi mana tiyanchu.

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 REYES 4:29

Diosca alli yuyaita, alli entendishpa causanata shungupi yuyarinatami Salomonmanca mama cucha yacu patapi tiyac tio shina yallita jatun yuyaita curca.

1 REYES 5:9

Chai caspicunataca ñucata serviccunami Libanomanta mama cuchacaman apamunga. Chaimantaca can maiman cachai nicpipish, chai pushtumanmi mama cuchata balsapi cachasha. Chaiman chayacpica japinguilla. Shinallatac canpish, ñuca mañashca shinallatac ñuca familiacunaman micunata cachangui» nichunmi cacharca.

JOB 12:13

Diosmi imatapish ruhuac, alli yachacpish can. Paimi alli yuyaita cuc, alli entendicpish can.

JOB 12:16

Pai imatapish ruhuac cashpami huiñaita mishachin. Pandachiccunapish, pandariccunapish paipacmi.

JOB 27:3

¡Ñucapi causaita cuc samaipish, Diospac samaipish tiyashcacamanca,

JOB 33:16

Chashnami runapac ringrillapi rimashpa, pai imata nigricushcataca huillan.

JOB 33:4

Ñucataca Diospac Espiritumi ruhuarca. Tucuita ruhuac Diospac samaimi causaita cun.

JOB 35:11

Ñucanchictaca cai pachapi tiyac animalcunata ricuchishpa ashtahuan alli yachacta, jahuata volac animalcunatapish ricuchishpa yalli yuyaita charictami ruhuarca” nicca, shucllapish mana tiyanchu.

JOB 38:36

¿Pitac shungupi yachaita churarca? ¿Pitac allita yuyaricta ruhuarca?

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

PROVERBIOS 20:27

Runapac samaica Mandac Dios cushca lámpara shinami. Chaimantami shungupi tucui yuyashcata ricun.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

ISAÍAS 28:26

Tarpuc runataca paipac Diosmi allita ruhuanata yachachicun.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

2 TIMOTEO 3:16

Dios quillcachishcaca tucuimi Diosllatac yuyaita cushpa quillcachishca. Chaimantami yachachingapacpish, mana alli ruhuaccunata rimangapacpish, cunangapacpish, shinallatac cashcata ruhuashpa causanata yachachingapacpish alli.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.