JOB 31:3 - Dios Rimashcata Quillcashcami

³ ¿Diosta mana manchaccunamanpish juchata ruhuaccunamanpish manachu llaquicunaca tiyanga?

JOB 31:3 ပူးပေါင်းရင်းမြစ်များ

2 SAMUEL 18:10

Chaita shuc runa ricushpami Joabtaca: —Absalón encina yurapi huarcurishcatami ricurcani— nirca.

JOB 18:12

Yarcaihuanmi paipac fuerzata tucuchinga. Paipac ladollapitacmi llaquicunaca allichishca tiyacun.

JOB 20:29

Chaitami Diosca paita mana manchaccunamanca allichishpa charicun. Diosca paipac shimihuanmi runa japinataca cusha nishca» nirca.

JOB 21:17

¿Mashna cutinta Diosta mana manchaccunapac lamparataca huañuchishca? ¿Mana cashpaca paicunataca llaquicuna japishcachu? ¿Mana cashpaca Dios nina japiric shina piñarishpa tucuchishcachu?

JOB 21:30

‘Millaita ruhuac runaca llaqui punzhapica mana ima tucungachu. Dios piñaric punzhaca huacaichishcami canga’ nishcataca, ¿manachu yuyaringuichic?

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

JOB 34:22

Mana allita ruhuaccuna miticuchunca amsa puyupish, amsa tutapish mana tiyanchu.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

SALMOS 73:18

Paicunata llaquipi urmachingapacmi lluchcarinapi saquishcangui.

PROVERBIOS 1:27

Cancuna manchana jatun llaquicunaca tucuchic shinami shamunga. Jatun acapana huaira shina shamushpami, cancunataca yallita llaquichinga.

PROVERBIOS 10:29

Allita ruhuashpa causaccunapacca Mandac Diosca jarcarina torre shinami. Ashtahuanpish millaita ruhuaccunapacca chingarinaman apana ñan shinami.

PROVERBIOS 21:15

Cashcata ruhuac allita ruhuashpaca cushicunmi. Ashtahuanpish mana allita ruhuaccunamanca tucuchic llaquimi ricurin.

ISAÍAS 28:21

Mandac Diosca Perazim urcupi shinami shayaringa. Gabaón pambapi shinami, yallita piñaringa. Paica cancuna mana ricushca, mana entendipac mancharinata ruhuangapacmi piñaringa.

NÚMEROS 16:30

Ashtahuanpish Mandac Dios mushucta ruhuashpa ricuchicpica, cai pamba pascarishpami cai gentecunataca paicunapac tucui charishcacunandi millpunga. Chashnami Seolmanca causac huaicuyanga. Chashna tucucpica, cai gentecuna Mandac Diosta rimashpa llaquichishcatami yachanguichic— nirca.

SAN MATEO 7:13

Quichqui punguta yaicuichic. Chaica chingarinaman apac ñanpish, pungupish purinalla anchomi. Taucacunami chaitaca yaicun.

ROMANOS 9:22

Chai shinallatacmi Diosca piñashpa tucuchina cacpipish, mana llaquichishpa, pai llaquichic cashcatapish, poderyuc cashcatapish ricuchin.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

SAN JUDAS 1:7

Chashnallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, caricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.

JUECES 9:53

Ashtahuanpish shuc huarmimi jahuamanta cutana rumita Abimelecpac umapi shitashpa, umata paquirca.