JOB 3:25 - Dios Rimashcata Quillcashcami

²⁵ Ñuca imatami manchani, chaillatacmi ñucataca japishca. Ñuca imatami manchani, chashnallatacmi tucushca.

JOB 3:25 ပူးပေါင်းရင်းမြစ်များ

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

JOB 30:15

Yallita manchaimi ñucata japirca. Ñucaca alli nishca canamantaca huaira urmachic shinami chingarircani. Ñuca ima charishcapish puyu shinami chingarirca.

JOB 30:26

Ashtahuanpish allita shuyacucpica, mana allimi shamurca. Achicta shuyacucpica, amsaracmi chayamurca.

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

JOB 9:28

Shina cacpipish, nanaicunaca manchachinmi. Ñucataca ima allita mana ruhuac cashcata yuyac cashcatami yuyani.

EZEQUIEL 11:8

Cancunaca jatun macanacuitami manchanguichic. Chaimantami jatun macanacuita cancunata llaquichichun cachasha. Chaitaca Mandac Dios ñucami nini.