JOB 29:3 - Dios Rimashcata Quillcashcami

³ Paipac achic-huan ñucata achicyachicpimi, amsa cacpipish mana manchashpa, puric carcani.

JOB 29:3 ပူးပေါင်းရင်းမြစ်များ

JOB 11:17

Cambac causaica chaupi punzhatapish yalli achicllami canga. Tutapish tutamanta shinami canga.

JOB 18:6

Achicyachicpish paicunapac huasipica amsayangami. Paicunapi cac lamparapish huañungami.

JOB 21:17

¿Mashna cutinta Diosta mana manchaccunapac lamparataca huañuchishca? ¿Mana cashpaca paicunataca llaquicuna japishcachu? ¿Mana cashpaca Dios nina japiric shina piñarishpa tucuchishcachu?

JOB 22:28

Can imata munashcapish pactangami. Can purina ñanpipish luzmi achicyachinga.

SALMOS 112:4

Paica llaquicmi, caracmi, cashcata ruhuacmi. Cashcata ruhuaccunapacca amsapi luz achicyachicuc shinami.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

SALMOS 18:29

Canhuanmi achca soldadocunatapish mishasha. Ñuca Dios-huanca jatun pircacunatapish urmachishami.

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

SALMOS 4:6

Taucacuna rimashpaca: «¿Pitac allita ruhuashpa ricuchingayari?» nincunami. Mandac Dioslla, cambac ñahuihuan ñucanchicta achicyachiyari.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

PROVERBIOS 13:9

Cashcata ruhuaccunapac causaica luz japirishpa achicyachic shinami cushicun. Ashtahuanpish Diosta mana manchaccunaca, lámpara huañushca shinami tucun.

PROVERBIOS 20:20

Paipac taitata, mana cashpaca mamata llaquichicca manchana amsa tutapi lámpara huañuc shinami tucunga.

PROVERBIOS 24:20

Chaica, millaita ruhuac runacunaca mana cushicuita charingachu. Diosta mana manchaccunaca lámpara huañushca shinami tucunga.

ISAÍAS 2:4

Mandac Diosmi llactacunapi causaccunataca taripanga. Achca gentecunatami jarcashpa rimanga. Chashna ruhuacpimi, paicunapac espadacunataca yapuna rejacunata, lanzacunataca hocescunata ruhuanga. Llactacunapish mana ashtahuan macanacungapac llucshingachu. Macanacunatapish ña mana ashtahuan yachachingachu.

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachaman shamurcani.

SAN JUAN 8:12

Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.